ANGOLA ta longo osuuka no ethanol omumvo 2010

EHANGANO lyiikwafabulika lya Brazil lyedhina Odebrecht ota li ka tameka okulonga osuuka noethanol moAngola omumvo ta gu ya. Shika otashi ningwa okuyelutha uunafaalama woshilongo shika mboka wa li wa yonagulwa kiita yopashigwana yoomvula omilongo ndatu.

Odebrecht melongelokumwe na Sonangol ehangano lyepangelo lyomahooli noshowo ehangano lyopaumwene lyedhina Damer oya tokola okupungula oodola dhAmerika oomilliona 220 okushonopeka eikwatelelo lyAngola kiikwamahooli.Angola osho oshilongo shoka ta shi kondjitha Nigeria mokulonga omahooli ogendji inaaga dhindwa muAfrika, na okwa thikama unene miiyemo yokulanditha omahooli omolwa iiyemo yepangelo.Oprojeka ndjika oya tegelelwa yi kale oyo onene yokulonga osuuka noethanol moAngola moomvula odhindji.’žOta tu tameke okulonga omumvo ta gu ya nota tu ka endelela okukatya komumvo 2013,’ Humberto Rangel a ti ngoka oye omupopiliko gwehangano lya Odebrecht moAngola.Elonglokumwe ndika ota li ka kuna ohectare 30 000 osuuka momapya gomoshitopolwa shaMalange konyala ookilometa 400 kuuzilo wa Luanda.Ofabulika yoku thina osuuka moomwenge otayi ka longa ootona dhosuuka 260 000 noshowo oolitera dhoethanol dhi li 30 000 komvula.Iiyagaya noshowo omuku ngoka tagu zi melongo lyosuuka otagu ka longithwa okugandja olusheno lwomegawatts dhili 47 osho, Rangel a gwedha ko.Angola okwa li ha longo ocoffee, omabanana, nosuuka komeho giita yoomvula 27 konima yemanguluko, okuza ku Portugal mo 1975. Shika osha fala kefadhukepo lyaanafaalama oyendji.Ngashingeyi oshilongo shika ohashi eta mo iikulya opo shi paluthe aantu yasho.Shika osha eta sigo oompoka kutya engushuluko lyomoshilongo olya thikama poopersenda 14 naashika osha eta mpoka kutya Luanda oye oshilando shi na ondilo muuyuni auhe unene kaazazayi..ANGOLA oye oshilongo sha gandja evi kehangano itaa li longo iikulya naashika osha eta uumbanda kaakalimo yomomikunda sigo okiigwana yahangana.Iigwanahangano oya londodha kutya shika ota shi vulika shikale tashi eta uudhigu kutya aantu yomoshilongo otaya kala kaa yena ompito yokulongitha evi ndika mokulonga iikulya nenge okulongitha omeya gopomahala mpoka.Odebrecht okuna iipambuliko yooperesenda 40 mehangano Biocom. Ehangano ndika ota li tungu oondjila., oohotela noondama moAngola , na oli na woo oshipambu shehala lyokukonga omaholi mefuta.