Andimba oye natango Meya gwOndoolopa ya Ndangwa

KAANSELA Naftal Andimba natango mEtine lyoshiwike sha zi ko okwa hogololwa kElelo lya Ndangwa oye a kale natango Meya gwondoolopa ndjoka ya Ndnagwa muule wOomwedhi omulongonambali tadhi landula, na Kaansela

Letty Tuutaleni ta hoholululwa natango a ninge omupeha gwe.
Kaansela leonard Sunday Negonga okwa hogolululwa natango a kale oye Omunashipundi gwOkomitiye tayi lelitha iilonga mOndoolopa ya Ngwediva,
ta yambidhidhwa ku kaansela Sem Nangolo na Kaansela Saima Namukwambi, omanga Kaansela Petrus Shituula na Kaansela Priskila Kauna Nashandi ye li iilyo yOkaansela ya gwedhwa po.
Pethimbo ta taamba ko natango oshinakugwanithwa she shUumeya wondoolopa ya Ndangwa, omusamane Andimba okwa pandula kiilyo ye kOkaansela ya Ndangwa sho ye mu inekela natango noku mu hogolulula natango a kale Meya gwondoolopa ya Ndangwa uule woomwedhi omulongonambali tadhi landula.
Ta ti otaka longa nuudhiginini mokuwilika Elelo lya Ndangwa metsikilo lyalyo nawa neyakulo lyoshigwana shalyo sha Ndangwa.