ANC ita ka lundulula ekotampango, Malema ta ti

O
NGUNDU tayi pangele mu South Africa yo African National Congress (ANC) itayi ka lundulula ekotampango opo ku gamenwe Jacob Zuma kombinga yiipotha yuulunga mbyoka a ningilwa, Omuwiliki gwEwawa lyAagundjuka mu ANC Julius Malema, osho a popi ngaaka.

Zuma oya ta ka kala okandindate ko ANC momahogololo gOpaupresidende nogOpashigwana, ngoka taga ka ningwa moshilongo shika nuumvo, ihe iipotha yuulunga mbyoka a ningilwa oyi li ya nyateka edhina lye.
‘Tse ita tu ka zimina nande ekotampango li lunduluwe, opo li opalele omuntu gumwe,’ Malema osho a lombwele aanankundana mu Johannesburg ngaaka.
Malema okwa ti ina shi puka Omupresidende tayi mOmpangu. Ihe Malema okwa ti yo oye na einekelo ndika kutya oyindji yomiinima mbyoka Zuma ta popilwa otayi ka kala ya ungaungwa nayo, pethimbo ta ka ya koshipundi shUupresidende. – Nampa-Sapa