IIYIMBI yopaveta nopawiliko ina yi ya moshipala aanafaalama opo ya kute aaniilonga oyendji.
Ngaka ogo omadhiladhilo gomuperesidende gwehangano lyaagandji yiilonga lya Namibia, Vekuii Rukoro, sho a popitha oshigongi shaagandji yiilonga moshikondo shuunamapya moVenduka oshiwike shayi. Rukoro okwa ti oshikondo shaa shi shepangelo ohashi kutu aaniilonga yooperesenda omilongo 77 dhaantu ayehe ye li miilonga moshilongo. Oshikondo shika oshina aaniilonga oyendji nonando ooveta dhimwe odha ninga omainda mokukuta aaniilonga.Ooveta ndhoka a ti otadhi piyaganeke ongaashi ndjoka yaaniilonga, unene iitopolwa ashike yimwe yayo naandjoka ya thanekwa yedhina Employment Service Bill. Rukoro okwa ti okwaana iilonga moshilongo oku li pombanda onkene okwa pumbiwa okulongwa nako palongelokumwe naayehe , moshikondo shopaumwene naashoka woo shepangelo. Okwa pandula epangelo sho lya gandja iimaliwa oyindji yokweetapo oompito dhiilonga oku pitila muunamapaya nuuniimuna.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
