Amushanga nOmuyalulimambo moNA ya pewa obooloha moshipotha shekorapto

A MUSHANGA gwOparliamende Nama Goabab nosho wo Omuyalulimambo Omukuluntu gwOparliamende, Abraham John George, oya holoka pamwe mOmpangu ya Mengestrata gwa Venduka moshipotha shuulingilingi mOmaandaha.

Goabab (50) na George (46), oya li ya dhitikwa mEtitano lya zi ko konima yomakonakono ngoka ga ningwa kOkomisi ya Anti-Corruption Commission (ACC) konima sho kwa monika omapopyo kutya Goabab okwa kala nokupewa oshimaliwa shokuthitha ohauto omanga pethimbo lya faathana a kala ha pewa oshimaliwa shosheenditho tashi pitile kondjambi ye ong’Amushanga gwOparliamende. Oya holoka nee komeho ga Mengestrata Helvi Shilemba mOmaandaha metamaneko li na sha nontokolwa onti 43 yOveta yaACC yomumvo 2003.Okatendo hoka ota popi omuntu kehe ta longitha onkatu ye nenge ombelewa mokwiimonena uuwanawa wopaumwene nenge okugandja uuwanawa komuntu gulwe okuzilila moshimaliwa shepangelo nenge shoshigwana, oku na ondjo.Ngele omuntu okwa monika ondjo kohi yokatendo hoka, ota vulu okupewa egeelo lyokufuta ombuta sigo opoondola/N$500 000 nenge a kale konima yekumba sigo oomvula 25 nenge a pewe omageelo agehe gaali.Mengestrata Clement Daniels okwa pe Goabab obooloha yoondola/N$5 000 pehulilo lyeindilo lyobooloha ndyoka lya ningwa ku Goabab mOlyomakaya ga zi ko.George okwa pewa obooloha yOondola/N$3 000 pethimbo a holoka komeho ga Mengestrata Shilemba mOmaandaha.Pabooloha ya Goabab, okwa lombwelwa kaa lyate nando ompadhi ye momatungo gOparliamende sigo omukuluntu gwomakonakono moshinima shika Nelius Becker te mu tseyithile a galukile mombelewa ye.Mengestrata Daniels okwa popi wo kutya Goabab ina ninga nando ekwatathano nomunambelewa nando ogumwe gwOparliamende okuninga shila ta tseyithile omunambelewa-konakoni opo e mu pe opelemeta.Ina pitikwa wo okwiidhopa moshinima shika nomukonakoni, Mengestrata Daniels ta gandja ngaaka elombwelo.Sho nee aatamaneki yOompangu haya tindi okulonga konima yoowili dhiilonga, Becker okwa dhana onkandangala moonkatu mbali pethimbo lyeindilo lyobooloha ya Gaobab mOlyomakaya ga zi ko.Okwa li a kalelepo epangelo ta pataneke oshipotha nosho wo okugandja uumbangi metamaneko lyobooloha komeho ga Mengestrata Daniels.Pamushangwa gwOmpangu ndjika, okwa popi kutya oku na uumbanda kutya otashi vulika Goabab e ki idhope momakonakono ngele okwa mangululwa pabooloha.Becker okwa popi wo kutya okwa pumbwa ethimbo opo a kale a manitha nomakonaakono ge nokumona omishangwa dhilwe okuzilila kaagandji yuumbangi.Ta ti oonakugandja uumbangi yamwe oye na uumbanda oku mona Goabab ta galukile mombelewa ye.Mengestrata Daniels okwa popi kutya uumbanda mboka otau vulu owala okukuthwa po pakutula po oonkalo ndhoka dhi na okugwanithwa po ku Goabab ngele okwa pewa obooloha.Mengestrata Shilemba naye okwa lombwele George kutya ina kambadhala nando okwiidhopa momakonakono nenge okuninga omakwatathano naantu mboka ye li momusholondondo gwaantu mboka taya vulu okukala oombangi.Oshinima shika osha kwatela mo nee okuninga ekwatathano nomuniilonga kehe gwomulekeneno mOparliamende nenge iilyo yOkomitiye yiikwakonomi mOparliamende.Oshipotha sha Goabab na George osha tsilikwa omanga taku ningwa omakonakono ga gwedhwa po.Otaya ka holoka natango mOmpangu ya faathana momasiku 26 Septemba.Omukuluntuwiliki gwaACC, Paulus Noa okwa lombwele The Namibian mOsoondaha kutya Goabab okwa kala nokupewa oshimaliwa shosheenditho sha kwatelwa mondjambi ye ong’Aamushanga gwOparliamende.Pethimbo olyo tuu ndyoka, okwa kala ha thithi oshihauto kokampani yopaumwene nokulombwela Omuyalulimambo Omukuluntu gwOparliamende a fute okampani ndjoka okuza moshiketha shEpangelo, Noa ta popi.Ta ti Omuyalulimambo Omukuluntu okwa lombwelwa a fute okampani ndjoka oshimaliwa shoondola/N$18 000 opo a fute okuthitha ohauto ndjoka noshimaliwa shEpangelo.Osoondaha oyo tuu ndjoka, Goabab okwa li a lombwele The Namibian kutya kombinga ye ke na ondjo moshinima shika molwashoka okwa thithi ohauto pethimbo ohauto ye ya li itayi longo, nokwa lombwele Omuyalulimambo Omukuluntu a fute okampani hoka a kutha ohauto ndjoka ta longitha.Goabab ta ti okwa gandja elombwelo lya yela kutya oshimaliwa shokuthitha ohauto ndjoka nashi nanwe kondjambi ye.Goabab na George oya li ya kalelwa po moshipotha shika ku Ray Rukoro na Petrie Theron mOmaandaha.Omutamaneki okwa li Nuncia Sikongo.Oya holoka nee komeho ga Mengestrata Helvi Shilemba mOmaandaha metamaneko li na sha nontokolwa onti 43 yOveta yaACC yomumvo 2003.Okatendo hoka ota popi omuntu kehe ta longitha onkatu ye nenge ombelewa mokwiimonena uuwanawa wopaumwene nenge okugandja uuwanawa komuntu gulwe okuzilila moshimaliwa shepangelo nenge shoshigwana, oku na ondjo.Ngele omuntu okwa monika ondjo kohi yokatendo hoka, ota vulu okupewa egeelo lyokufuta ombuta sigo opoondola/N$500 000 nenge a kale konima yekumba sigo oomvula 25 nenge a pewe omageelo agehe gaali.Mengestrata Clement Daniels okwa pe Goabab obooloha yoondola/N$5 000 pehulilo lyeindilo lyobooloha ndyoka lya ningwa ku Goabab mOlyomakaya ga zi ko.George okwa pewa obooloha yOondola/N$3 000 pethimbo a holoka komeho ga Mengestrata Shilemba mOmaandaha.Pabooloha ya Goabab, okwa lombwelwa kaa lyate nando ompadhi ye momatungo gOparliamende sigo omukuluntu gwomakonakono moshinima shika Nelius Becker te mu tseyithile a galukile mombelewa ye.Mengestrata Daniels okwa popi wo kutya Goabab ina ninga nando ekwatathano nomunambelewa nando ogumwe gwOparliamende okuninga shila ta tseyithile omunambelewa-konakoni opo e mu pe opelemeta.Ina pitikwa wo okwiidhopa moshinima shika nomukonakoni, Mengestrata Daniels ta gandja ngaaka elombwelo.Sho nee aatamaneki yOompangu haya tindi okulonga konima yoowili dhiilonga, Becker okwa dhana onkandangala moonkatu mbali pethimbo lyeindilo lyobooloha ya Gaobab mOlyomakaya ga zi ko.Okwa li a kalelepo epangelo ta pataneke oshipotha nosho wo okugandja uumbangi metamaneko lyobooloha komeho ga Mengestrata Daniels.Pamushangwa gwOmpangu ndjika, okwa popi kutya oku na uumbanda kutya otashi vulika Goabab e ki idhope momakonakono ngele okwa mangululwa pabooloha.Becker okwa popi wo kutya okwa pumbwa ethimbo opo a kale a manitha nomakonaakono ge nokumona omishangwa dhilwe okuzilila kaagandji yuumbangi.Ta ti oonakugandja uumbangi yamwe oye na uumbanda oku mona Goabab ta galukile mombelewa ye.Mengestrata Daniels okwa popi kutya uumbanda mboka otau vulu owala okukuthwa po pakutula po oonkalo ndhoka dhi na okugwanithwa po ku Goabab ngele okwa pewa obooloha.Mengestrata Shilemba naye okwa lombwele George kutya ina kambadhala nando okwiidhopa momakonakono nenge okuninga omakwatathano naantu mboka ye li momusholondondo gwaantu mboka taya vulu okukala oombangi.Oshinima shika osha kwatela mo nee okuninga ekwatathano nomuniilonga kehe gwomulekeneno mOparliamende nenge iilyo yOkomitiye yiikwakonomi mOparliamende.Oshipotha sha Goabab na George osha tsilikwa omanga taku ningwa omakonakono ga gwedhwa po.Otaya ka holoka natango mOmpangu ya faathana momasiku 26 Septemba.Omukuluntuwiliki gwaACC, Paulus Noa okwa lombwele The Namibian mOsoondaha kutya Goabab okwa kala nokupewa oshimaliwa shosheenditho sha kwatelwa mondjambi ye ong’Aamushanga gwOparliamende.Pethimbo olyo tuu ndyoka, okwa kala ha thithi oshihauto kokampani yopaumwene nokulombwela Omuyalulimambo Omukuluntu gwOparliamende a fute okampani ndjoka okuza moshiketha shEpangelo, Noa ta popi.Ta ti Omuyalulimambo Omukuluntu okwa lombwelwa a fute okampani ndjoka oshimaliwa shoondola/N$18 000 opo a fute okuthitha ohauto ndjoka noshimaliwa shEpangelo.Osoondaha oyo tuu ndjoka, Goabab okwa li a lombwele The Namibian kutya kombinga ye ke na ondjo moshinima shika molwashoka okwa thithi ohauto pethimbo ohauto ye ya li itayi longo, nokwa lombwele Omuyalulimambo Omukuluntu a fute okampani hoka a kutha ohauto ndjoka ta longitha.Goabab ta ti okwa gandja elombwelo lya yela kutya oshimaliwa shokuthitha ohauto ndjoka nashi nanwe kondjambi ye.Goabab na George oya li ya kalelwa po moshipotha shika ku Ray Rukoro na Petrie Theron mOmaandaha.Omutamaneki okwa li Nuncia Sikongo.