Albertina nomona Selma ya pila mondjugo yokulala

O MUKALIMO gwomomukunda Akweenyanga popepi nOngwediva mOshitopolwa sha Shana meekulu Albertina Mukwaanyoka Udina gwoomvula 82 okwa si eso lyombaadhilila pamwe nomona gwosheeli meme Selma Shaamena gwoomvula 65 ongulohi yOmaandaha goshiwike shika, sho ondjugo yawo moka ya l i ya lala ya yeka omulilo.

Otaku tiwa kutya omulilo ogweetwa kokalehite hoka tashi vulika ya dhimbwa okudhima sho ya kotha. Omona gwa meekulu nakusa Albertina, ano meme Hedwig Shaamena, okwa lombwele The Namibian kutya yina megumbo lye okwa kala mo nomona gwonkelo Emilia Shaamena, ngoka a kala e na omonakadhona a hokanwa kOngenga kUukwanyama gwedhina Hilja Asser.Omasiku ga zi ko, Hilja ya Asser okwa mana oondjenda naakwanezimo yamwe oya yi nee kOngenga hoka koosa dha Hilja pamwe na yina ya Hilja, ano na meme Emilia, ngoka a kala ha takamitha yina kuku Albertina poAkweenyanga hoka.Manga inaya ya koosa hoka, Emilia okwa lombwele mumwayina Selma ngoka a kala komukunda Olungalunga kOndonga e ye a kale po na meekulu Albertina manga ye li koosa.Selma osho a ningi nokwe ya a kale po nayina manga oosa dha Hilja tadhi pu.Hilja okwa fumvikwa nee mOmaandaha ngoka ga zi ko noosa odha halakana.Oomeme Hedwig oya thikile kegumbo kOshakati komatango gOmaandaha ngoka ga zi ko, sho ya mana nefumviko lya Hilja kOngenga.Konima sho ya thiki megumbo mOshakati, esiku ndyoka kwa toka lela, oya dhengelwa ongodhi taya lombwelwa kutya yina Mukwaanyoka na Selma oya pila mondjugo yokulala megumbo lyawo poAkweenyanga.Oministeli yOpevi yEgameno nOnkalonawa yOshigwana tate Gabes Shihepo, ngoka oye mwene gwomukunda Akweenyanga, okwa adhika e ya po pegumbo esiku ndyoka, a popithe Esiku lyEmanguluko pOngwediva mEtiyali, sho naye e shi uvu, okwa dhengele nziya kOpolisi ya Shakati ndjoka ye ya meendelelo ko Akweenyanga.Ashike mokuthika pegumbo lya meekulu Albertina pamwe na Minista gwOpevi Shihepo, oya adha meekulu Albertina nomona Selma ya pila mo nale thiluthilu.Omonamati gwa Meekulu Albertina, tate Alfeus Shaamena, ngoka a kala kapatashu ka tate Shihepo, opo wo naye a manene oondjenda oshiwike shiya sha zi ko nokwa fumvikilwe poAkweenyanga mpoka oshiwike sha zi ko.Megumbo lye, ndyoka li li uushiinda naandjoka lyayina, ano lya meekulu Albertina, omu na ashike aanona ngashiingeyi.Ongulohi ndjoka meekulu Albertina okwa etelwa uulalelo nawanawa kuutekulu waandja nakusa tate Alfeus.Uunona otau ti kutya sho wa eta iikulya, owa adha meekulu na meme Selma ya kuutumba lwopondjugo ya tema okalehita.Uunona otau hokolola kutya sho aakuluntu mbaka ya mana okulya, oya ningi owandaha.Aanona oya shuna kegumbo lyawo.Otaku tiwa kutya Opolisi nosho wo Kadhimamulilo gwa Ngwediva, oya matukile onkugo shili, ashike oya thiki kwa toka.Otaku tiwa kutya Kadhimamulilo gwa Ngwediva, sho e ya ashike pegumbo mpoka, okwa dhama momunoko.Mboka ya li po otaya hokolola kutya opwa kondjelwe shili, ashike inashi ka pondoka aakalimo mbaka yaali ya hupithwe.Omona gwa meekulu nakusa Albertina, ano meme Hedwig Shaamena, okwa lombwele The Namibian kutya yina megumbo lye okwa kala mo nomona gwonkelo Emilia Shaamena, ngoka a kala e na omonakadhona a hokanwa kOngenga kUukwanyama gwedhina Hilja Asser.Omasiku ga zi ko, Hilja ya Asser okwa mana oondjenda naakwanezimo yamwe oya yi nee kOngenga hoka koosa dha Hilja pamwe na yina ya Hilja, ano na meme Emilia, ngoka a kala ha takamitha yina kuku Albertina poAkweenyanga hoka.Manga inaya ya koosa hoka, Emilia okwa lombwele mumwayina Selma ngoka a kala komukunda Olungalunga kOndonga e ye a kale po na meekulu Albertina manga ye li koosa.Selma osho a ningi nokwe ya a kale po nayina manga oosa dha Hilja tadhi pu.Hilja okwa fumvikwa nee mOmaandaha ngoka ga zi ko noosa odha halakana.Oomeme Hedwig oya thikile kegumbo kOshakati komatango gOmaandaha ngoka ga zi ko, sho ya mana nefumviko lya Hilja kOngenga.Konima sho ya thiki megumbo mOshakati, esiku ndyoka kwa toka lela, oya dhengelwa ongodhi taya lombwelwa kutya yina Mukwaanyoka na Selma oya pila mondjugo yokulala megumbo lyawo poAkweenyanga.Oministeli yOpevi yEgameno nOnkalonawa yOshigwana tate Gabes Shihepo, ngoka oye mwene gwomukunda Akweenyanga, okwa adhika e ya po pegumbo esiku ndyoka, a popithe Esiku lyEmanguluko pOngwediva mEtiyali, sho naye e shi uvu, okwa dhengele nziya kOpolisi ya Shakati ndjoka ye ya meendelelo ko Akweenyanga.Ashike mokuthika pegumbo lya meekulu Albertina pamwe na Minista gwOpevi Shihepo, oya adha meekulu Albertina nomona Selma ya pila mo nale thiluthilu.Omonamati gwa Meekulu Albertina, tate Alfeus Shaamena, ngoka a kala kapatashu ka tate Shihepo, opo wo naye a manene oondjenda oshiwike shiya sha zi ko nokwa fumvikilwe poAkweenyanga mpoka oshiwike sha zi ko.Megumbo lye, ndyoka li li uushiinda naandjoka lyayina, ano lya meekulu Albertina, omu na ashike aanona ngashiingeyi.Ongulohi ndjoka meekulu Albertina okwa etelwa uulalelo nawanawa kuutekulu waandja nakusa tate Alfeus.Uunona otau ti kutya sho wa eta iikulya, owa adha meekulu na meme Selma ya kuutumba lwopondjugo ya tema okalehita.Uunona otau hokolola kutya sho aakuluntu mbaka ya mana okulya, oya ningi owandaha.Aanona oya shuna kegumbo lyawo.Otaku tiwa kutya Opolisi nosho wo Kadhimamulilo gwa Ngwediva, oya matukile onkugo shili, ashike oya thiki kwa toka.Otaku tiwa kutya Kadhimamulilo gwa Ngwediva, sho e ya ashike pegumbo mpoka, okwa dhama momunoko.Mboka ya li po otaya hokolola kutya opwa kondjelwe shili, ashike inashi ka pondoka aakalimo mbaka yaali ya hupithwe.