OKAMPANI ya Air Namibia otayi ka mona oondhila dhOojeta ndatu oompe, ndhoka Air Namibia ta kala ha longitha moondjila dhomoshitopolwa shAafrika lyuumbugantu.
Ondhila yotango yomOojeta ndhika ndatu dho Embrear ERL 135 okwa tegelelwa yi ka thike mu Namibia momasiku 14 ga Febuluali, ontiyali otayi ka thika momasiku 14 ga Apiilili omanga ya hugunina ontintatu tayi ka thika momasiku 3 ga June.Air Namibia ota hulitha po nee okulongitha oondhila dhOoBeechcraft 1900, ngele oondhila adhihe ndatu oompe dha thiki.Menindjela gwa kwalukehe gwa Air Namiba, Xavier Masule, okwa ti shika osha ningwa molwashoka Okampani ya hala unene okuyambulapo oondjila dhayo dhopashitopolwa, opo yi mone mo iiyemo yi li nawa.Oodjeta ndhika oompe oonene,ohadhi endelele na otadhi kala wo dhi na ondando ya kuthwa.Pethimbo ndika, Namibia oku na nale aahingi yoondhila ko France taya dheulila okuhinga oondhila ndhika oompe, hadhi humbata aantu ye li 37. Ondhila yoBeechcraft ohayi humbata ashike aantu ye li 19. Ndhika oompe odhi na wo ehala lyoondjato enene.Ngele nee oondhila ndhika oompe dha thiki, Air Namibia ota ka kala e na oondhila kumwe adhihe dhi li omugoyi: oondhila oonene dho Airbus A340 mbali, Oombwiinga dhonomola 737 ndatu nOojeta ndatu.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
