OMULUMENTU ngoka ta fekelelwa edhipago lyaantu yatatu pOutjo, okwa holoka mOmpangu ya Menegstrata mOitjo mEtitatu lyoshiwike sha zi ko.
Ernestus Aibeb (30) okwa lopotelwa iipotha itatau yedhipago, hoka kwa gwedhwa wo yonkambadhala yedhipago noshefikopo lyegumbo. Omweetipo gwiipotha Petra Mwilima, okwa li a ningi eindilo kutya oshipotha sha Aibeb nashuundulilwe komasiku 13 ga Juli.
Mengestrata Stanley Tembwe okwa gandja elombwelo kutya Aibeb na kale mokakuma sigo a ka holoka ishewe mOmpangu. Aibeb okwa lombwele Ompangu kutya okwa hala okupewa Omunavetakalelipo.
Otaku popiwa kutya Aibeb okwa dhipaga omukiintu gwedhina Bertina Uwu-Khaes, sho e mu tsu nomwele iikando yi li omulongo a ta fikile megumbo uunona uyali.
Omukiintu gumwe ngoka a li aniwa a kambadhala okusitopa omulumentu, naye okwa li wo aniwa e mu nomwelee iikando omulongo.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
