Agribank na longe nuuyuuki: Komufala gwaaniilonga

K omufala gwAaniilonga Mathew Shinguadja okwa indile Agribank a talulule nawa etokolo lye kutya aaniilonga ayehe naya ninge omaindilo giilonga ka kele owala kOmuluntuwiliki.

Palombwelo ndyoka li li po, aaniilonga ayehe koonono mu Agribank oye na okuningulula omaindilo giilonga ka kele owala kOmukuluntuwiliki. Omulandu nguka gweningululo otagu ka thiga konyala aaniilonga ye li omilongo ndatu (30) lwaampoka kaye na iilonga.Shinguadja okwa indile wo ku Agribank kutya na kale a longelakumwe nehangano lya Namibia Financial Institutions Union (Nafinu) meendelelo omanga inaku ningwa nando osha moshinima shika.Momukanda ngoka a shengela ku Agribank, Komufala gwAaniilonga okwa holoka kutya okwa uvithwa nayi komapopyo kutya Agribank ina longelakumwe na Nafinu nenge ina tula puuyelele omilandu dhe omanga ina ninga etokolo moshinima sheningululo lyomutungilo gwOmbaanga.”Namibia Financial Institutions Union (Nafinu) okwa yalulwa kutya oye omukundathani gwiinima ya pamba aaniilonga mu Agribank, ashike ota popi kutya ina ningwa naye oonkundathana kombinga yomilandu omipe dheningululo ngaashi osho sha tegelelwa,” Shinguadja osho a shangele ngaaka kOmukuluntuwiliki gwa Agribank Leonard Iipumbu.Pahokololo lya Nafuni, Agribank ina ninga oonkundathana naye moshinima shika sheningululo lyoonkatu dhiilonga pamutungilo omupe gwa Agribank.Shinguadja ta ti ngele omapopyo ga Nafinu ogoshili, nena Agribank okwa pumbwa okutamekulula petameko nokuwapaleka mpoka pwa puka.Okwiipiwililikila omatskokumwe ngoka ge li po, otashi ka eta iinima oyindji nokuya kOompangu shoka tashi vulu okuya iilonga yOmbaanga moshipala, Shinguadja ta popi.Okwa gandja ethaneko ngeyi Ombaanga ndjika nayi ethepo manga etokolo lyayo ndyoka sigo taku monika ethaneko ndyoka oongundu ndhika mbali tadhi tsukumwe mulyo.”Ombelewa ndjika oya tegelela okupewa omayele nomathaneko kombinga yaashoka sha adhika po – shoka tashi nyanyudha oongundu ndhika mbali mekandulepo lyomukundu nguka,” omushangwa gwa Shinguadja tagu popi ngaaka.Nafinu okwa li a popi kutya ota fala Ombaanga ndjika kOmpangu molwashoka oya tindi okukaleka ethaneko lyokukutha aaniilonga mboka miilonga nokutya kehe gumwe oku na okuningulula eindilo lyiilonga mu Agribank ka kele kOmukuluntuwiliki.Nando ongaaka, Amushanga-Ndjayi gwehangano lyomahangano gaaniilonga (NUNW), Evilastus Kaaronda okwa popi kutya oonkatu oompe momutungilo omupe gwOmbaanga ndjika inadhi pewa aaniilonga opo ya vule okuninga omaindilo ge li nawa nenge tutye moonkatu ndhoka ya hala.Ethimbo kehe u na omuntu ngoka ke na uunongo nowino wa gwana miilonga mbyoka unene tuu mboka haya ulikwa papolitika, ohapu tsakanekwa omaupyakadhi goludhi nduka.Otatu indile aanapolitika yetu ya kale niinima yoludhi nduka koomwenyo uuna taya ningi omatokolo ngoka,” Kaaronda ta popi ngaaka pwaana okutumbula edhina lya Iipumbu mu shika.Ta ti ookampani odhindji dhEpangelo otadhi wilikwa kaantu mboka kaye na owino wa nkene omaliko gookampani ndhoka ge na okulongwa nago – molwashoka oya ulikwa owala shi ikwatelela komakwathano gawo gopapolitika.Aantu yetu otaya mono iihuna molwomatokolo ngoka.Opu na sha shapuka uuna omuntu gwontumba e wete kutya ye ihanyengwa,” Kaaronda ta popi ngaaka.Kaaronda na Shikulo ayehe oye na omaipulo kutya omolwashike Iipumbu ina gumwa koshinima shoka sheningululo lyomutungilo gwOmbaanga ndjoka.Alex Kamaundju ngoka a li nale omupresidende gwa Nafinu noku li wo omuniilonga gwa Agribank, okwa popi kutya oya lombwelwa kutya ombaanga otayi vulu lela nokuli okupata pwaa na okugumwa nayi ketokolo ndyoka pashimaliwa.Ombaanga ndjika oya gandja omikanda dhokukwiikutha miilonga kaaniilonga ayehe oshiwike sha zi ko – moka tayi popi kutya aaniilonga naya tale kutya otaya kutha po shike, ngele okuya mopenzela kuyele, okwiikutha miilonga paiyambo nenge otaya tegelele okukuthwa miilonga ngele inaya gwanitha po iipumbiwa moonkatu oompe.Paefuto dhokwiikutha miilonga, aaniilonga mboka ya longa mu Agribank omimvo dhi li meni lyo 20 otaya futwa oshimaliwa shondjambi yiiwike iyali momumvo kehe, omanga mboka ya longa mo omimvo dhi vulithe pomilongo mbali taya ka pewa ondjambi yoshiwike shimwe momumvo kehe.Aaniilonga ayehe otaya ka futilwa oshimaliwa shoopelesenda ethele paifuta yomapango muule woomwedhi hamano tadhi landula.Aaniilonga mboka ye na oomvula 50 nenge dhi vulithe po otaya vulu okukala taya futu iifuta yomapango gawo sigo taya gwanitha oomvula 55 sho omugandji gwiilonga yawo ta ka kutha po oshinakugwanithwa shokuya futila iifuta mbyoka.Omuniilonga oha vulu owala okufutilwa iifuta mbyoka komugandji gwe gwiilonga konima ngele a penzelwa miilonga.Aaniilonga mboka ye na oongunga dha Agribank sho ya pelwe oshimaliwa shokwiilongitha, itaya ka shunitha we oshimaliwa shika, na Agribank ota ka gandja ehungomwenyo kaaniilonga mboka taya ka kanitha iilonga yawo ong’oshizemo sheningululo ndika.Omtuntu owala gumwe oye a kutwa miilonga ye paveta.Omuntu ngoka ye mwene okwa tsakanitha po ayihe tayi pumbiwa miilonga? Omolwashike ita ningwa ngaashi ya kwawo? out uvite ko ngeyi oshinima shika kutya omulumentu ngoka ina gwanitha po iipumbiwa ayihe yopoosa ndjoka.”Omalunduluko ngoka oge na okuningilwa aantu ayehe,” Kaaronda ta popi ngaaka.Agribank okwa popi kutya etokolo ndyoka olya ningwa konima shomakonako-pekapeko ngoka ga ningwa kokampani yopaumwene.Nehangano lyaanaveta lya Conradie & Damaseb olya koleke kutya etokolo ndyoka oli li paveta.Omulandu nguka gweningululo otagu ka thiga konyala aaniilonga ye li omilongo ndatu (30) lwaampoka kaye na iilonga.Shinguadja okwa indile wo ku Agribank kutya na kale a longelakumwe nehangano lya Namibia Financial Institutions Union (Nafinu) meendelelo omanga inaku ningwa nando osha moshinima shika.Momukanda ngoka a shengela ku Agribank, Komufala gwAaniilonga okwa holoka kutya okwa uvithwa nayi komapopyo kutya Agribank ina longelakumwe na Nafinu nenge ina tula puuyelele omilandu dhe omanga ina ninga etokolo moshinima sheningululo lyomutungilo gwOmbaanga.”Namibia Financial Institutions Union (Nafinu) okwa yalulwa kutya oye omukundathani gwiinima ya pamba aaniilonga mu Agribank, ashike ota popi kutya ina ningwa naye oonkundathana kombinga yomilandu omipe dheningululo ngaashi osho sha tegelelwa,” Shinguadja osho a shangele ngaaka kOmukuluntuwiliki gwa Agribank Leonard Iipumbu.Pahokololo lya Nafuni, Agribank ina ninga oonkundathana naye moshinima shika sheningululo lyoonkatu dhiilonga pamutungilo omupe gwa Agribank.Shinguadja ta ti ngele omapopyo ga Nafinu ogoshili, nena Agribank okwa pumbwa okutamekulula petameko nokuwapaleka mpoka pwa puka.Okwiipiwililikila omatskokumwe ngoka ge li po, otashi ka eta iinima oyindji nokuya kOompangu shoka tashi vulu okuya iilonga yOmbaanga moshipala, Shinguadja ta popi. Okwa gandja ethaneko ngeyi Ombaanga ndjika nayi ethepo manga etokolo lyayo ndyoka sigo taku monika ethaneko ndyoka oongundu ndhika mbali tadhi tsukumwe mulyo.”Ombelewa ndjika oya tegelela okupewa omayele nomathaneko kombinga yaashoka sha adhika po – shoka tashi nyanyudha oongundu ndhika mbali mekandulepo lyomukundu nguka,” omushangwa gwa Shinguadja tagu popi ngaaka.Nafinu okwa li a popi kutya ota fala Ombaanga ndjika kOmpangu molwashoka oya tindi okukaleka ethaneko lyokukutha aaniilonga mboka miilonga nokutya kehe gumwe oku na okuningulula eindilo lyiilonga mu Agribank ka kele kOmukuluntuwiliki.Nando ongaaka, Amushanga-Ndjayi gwehangano lyomahangano gaaniilonga (NUNW), Evilastus Kaaronda okwa popi kutya oonkatu oompe momutungilo omupe gwOmbaanga ndjika inadhi pewa aaniilonga opo ya vule okuninga omaindilo ge li nawa nenge tutye moonkatu ndhoka ya hala.Ethimbo kehe u na omuntu ngoka ke na uunongo nowino wa gwana miilonga mbyoka unene tuu mboka haya ulikwa papolitika, ohapu tsakanekwa omaupyakadhi goludhi nduka.Otatu indile aanapolitika yetu ya kale niinima yoludhi nduka koomwenyo uuna taya ningi omatokolo ngoka,” Kaaronda ta popi ngaaka pwaana okutumbula edhina lya Iipumbu mu shika.Ta ti ookampani odhindji dhEpangelo otadhi wilikwa kaantu mboka kaye na owino wa nkene omaliko gookampani ndhoka ge na okulongwa nago – molwashoka oya ulikwa owala shi ikwatelela komakwathano gawo gopapolitika.Aantu yetu otaya mono iihuna molwomatokolo ngoka.Opu na sha shapuka uuna omuntu gwontumba e wete kutya ye ihanyengwa,” Kaaronda ta popi ngaaka.Kaaronda na Shikulo ayehe oye na omaipulo kutya omolwashike Iipumbu ina gumwa koshinima shoka sheningululo lyomutungilo gwOmbaanga ndjoka.Alex Kamaundju ngoka a li nale omupresidende gwa Nafinu noku li wo omuniilonga gwa Agribank, okwa popi kutya oya lombwelwa kutya ombaanga otayi vulu lela nokuli okupata pwaa na okugumwa nayi ketokolo ndyoka pashimaliwa.Ombaanga ndjika oya gandja omikanda dhokukwiikutha miilonga kaaniilonga ayehe oshiwike sha zi ko – moka tayi popi kutya aaniilonga naya tale kutya otaya kutha po shike, ngele okuya mopenzela kuyele, okwiikutha miilonga paiyambo nenge otaya tegelele okukuthwa miilonga ngele inaya gwanitha po iipumbiwa moonkatu oompe.Paefuto dhokwiikutha miilonga, aaniilonga mboka ya longa mu Agribank omimvo dhi li meni lyo 20 otaya futwa oshimaliwa shondjambi yiiwike iyali momumvo kehe, omanga mboka ya longa mo omimvo dhi vulithe pomilongo mbali taya ka pewa ondjambi yoshiwike shimwe momumvo kehe.Aaniilonga ayehe otaya ka futilwa oshimaliwa shoopelesenda ethele paifuta yomapango muule woomwedhi hamano tadhi landula.Aaniilonga mboka ye na oomvula 50 nenge dhi vulithe po otaya vulu okukala taya futu iifuta yomapango gawo sigo taya gwanitha oomvula 55 sho omugandji gwiilonga yawo ta ka kutha po oshinakugwanithwa shokuya futila iifuta mbyoka.Omuniilonga oha vulu owala okufutilwa iifuta mbyoka komugandji gwe gwiilonga konima ngele a penzelwa miilonga.Aaniilonga mboka ye na oongunga dha Agribank sho ya pelwe oshimaliwa shokwiilongitha, itaya ka shunitha we oshimaliwa shika, na Agribank ota ka gandja ehungomwenyo kaaniilonga mboka taya ka kanitha iilonga yawo ong’oshizemo sheningululo ndika.Omtuntu owala gumwe oye a kutwa miilonga ye paveta.Omuntu ngoka ye mwene okwa tsakanitha po ayihe tayi pumbiwa miilonga? Omolwashike ita ningwa ngaashi ya kwawo? out uvite ko ngeyi oshinima shika kutya omulumentu ngoka ina gwanitha po iipumbiwa ayihe yopoosa ndjoka.”Omalunduluko ngoka oge na okuningilwa aantu ayehe,” Kaaronda ta popi ngaaka.Agribank okwa popi kutya etokolo ndyoka olya ningwa konima shomakonako-pekapeko ngoka ga ningwa kokampani yopaumwene.Nehangano lyaanaveta lya Conradie & Damaseb olya koleke kutya etokolo ndyoka oli li paveta.