Africa a pulwa a longe nuudhiginini momalanditho

IILONGO yAfrica oya pumbwa oku hulitha po okuhehela, opo pehala lyaashika yi ete po omalunduluko moonkalo dha yo unene tuu pamalanditho, ngele oya hala oku hwepopeka omahupilo gayo.

Ngaka ogo omadhiladhilo gominista yiikwapondje yaAmerica, Hillary Clinton.Clinton okwa ti iilonga oyindji mbyoka ya pumbwa okulongwa oyi na oku ningwa mwAfrica mo mwene.Sho a li ta popitha oshigongi kombinga yuudiplomate waAmerica nenevi lyAfrica, Clinton okwa ti ngele owa tala kiipindi mokati kiilongo yenenevi ndyoka oyo iishona shona.Okwa ti iilongo yAfrica iha yi landathana. Oyina iiyimbi niifuta mbyoka oyo ta yi, yi moshipala ehumokomeho lyomahupilo gayo. Epopyo lya Clinton olye ya ongo eyamukulo kepulo kombinga yo kwaandjaganeka nokunenepeka shoka hashi ithanwa , African Growth and Opportunity Act[AGOA], ndjika oyo ompito ya egululilwe koKongress momumvo 2000, ndjoka ya pele iilongo yimwe yaAfrica ompito yeeguluka okulanditha iinima yawo momalandithilo gaAmerica.Omanga iilongo yimwe yAfrica ya li netegameno okumona kutya oompito dha AGOA dhi kalepo aluhe, Clinton okwa ti epangelo lye olya hala okumona iilongo yAfrica ta yi hwepopeke omahupilo gayo noshowo omilandu dhawo dhomahupilo. Okwa ti oshilongo she otashi ka ninga shoka tashi vulu ndele osha tegelela iilonga yAfrica nayo yi etepo omalunduluko opo yi humithe komeho omahupilo gawo unene tuu mwAfrica kohi yombuga yaSahara. Clinton okwa dhimbulutha Africa kutya oku na okulanditha mokati kemwene ngele okwa hala okutsikila nokumona omauwanawa taga zi mompango ya AGOA.Clinton na Peresidende Barack Obama oya popi pethimbo lyomatalelopo gawo kuAfrica , kutya opwa pumbiwa okulela okwaa nawa, oshoka ewiliko ewanawa oshinima sha pumbiwa ngaashi ashike ekwatho ta li zi pondje, okukondjitha uulingilingi, iita, nuuvu menenevi. Nonando iilongo yimwe oya pewa ompito kombinga yokulanditha naA merica mompito ya Agoa, omalanditho naAmerica oge lilepo ashike omwaalu omushona,konyala operesenda yimwe yiitumwa mo yAmerica pondje noshowo konyala ooperesenda ndatu dhiiyetwamo mo America omumvo 2008.Iiyetwamo ya America okuza kuAfrica kuumbugantu wombuga ya Sahara oya li ooperesenda 28 mo 2008, oshipambu oshinene shaambika osha thikama momahooli, gongushu yoodola oobiliona 86 dhAmerica.Clinton okwa lombwele Africa ta ti omatompelo ga kankamekelwa kokwaathikepamwe kwa zi muukoloni oshinima sha kulupa. Okwa ti ethimbo ndika olyethele mumvo eti 21, onkene osha pumbiwa iilongo mbika yi dhimbwe shoka sha ningilwe konima yoomvula 50, 100, nenge 200 dha piti po, na otwa pumbwa oku ya komeho noku longa iimaliwa.Okwa ti nguka ogo omukalo gumwe okweeta po oonkondo oompe nekoko epe muAfrica.