Africa a patela pondje Mauritania na Guinea

ADDIS ABABA – Oshigongi shokumumvo shehangano lyiilongo yAafrika/African Union (AU) – li na sha nopandulopo gEnenevi paliko, shoka tashi sha tameke mOsoondaha mu Addis Ababa sha Ethiopia mEtine, osha patele pondje Mauritania na Guinea, omolu omaumboko gOmapangelo ngoka ga ningwa miilongo mboka iyali omathimbo ga zi ko.

Epangelo lyopaukwiita ndyoka li li koshipangelo mu Mauritania, olya yi koshipundi sho lya umbu ko Epangelo ndyoka lya li ko paveta mu Auguste gwomumvo gwa zi ko.
Epangelo lyopaukwiita ndyoka li li koshipundi mu Guniea, nalyo olya yi ko koonkodo mu Desemba gwomumvo gwa zi ko. ‘Omwa mona iipundi kayi na aantu…Onda lombwelwa kutya yamwe yomaakalelipo yiilongo mbyoka oye li pondje,’ Ominista yIikwapondje ya Tanzania koshigongi shika Bernard Membe, osho a lombwele Oominista oonkwawo dhiikwapondje, manga oshigongi shika ina shi tameka. Ehangano lya AU olya li lya totwa po momumvo 2002 , olya li lya pingene po ndyoka lya li po nale lya Organisation of African Unity (OAU), lya li unene li na sha nokutala kutya Afrika alihe olya za mo muukoloni.
Ehangano lya AU olya kala nokukondema shuukilila omapangelo ngoka na Membe okwa li u uvitha ko aakalelipo ya Mauritania na Guinea kutya omolwashike iilongo yawo yi indikwa mo moshigongi.
– Nampa-Reuters