ACC ota tsikile nokukonakona Haimbili

OKOMISI yi na sha nekondjitho lyiilonga yOkoraputo/Anti Corruption Commission (ACC) oya ti kutya omakonakono gawo kombinga yOmukuluntuwiliki gwa TransNamib (a li a tulwa pevi), Titus Haimbili otaga tsikile, nonande okwa shunwa miilonga.

Omukuluntuwiliki gwa ACC, Paulus Noa, okwa lombwele The Namibian kutya yo otaya konanona oshinima shopaukiliminola na itaga ka yiwa nande moshipala ketseyitho lyOminista yIilonga nOmakwatakanitho gOpangodhi, Helmut Angula, kutya Haimbili nEwilikongundu lya TransNamib, oya ninga etsokumweuvathano kutya na shune kiilonga.
‘Mbyoka iinima yopaembelewa na kayi na sha nomakonakono getu. Tse iha tu nwethwa mo komatokolo gopaembelewa molwashoka, omakonakono getu oga manguluka, h Noa osho a popi ngaaka.
Okwa ti kutya omakonakono gawo oge li popepi nokumanithwa na pethimbo ndika oye li ashike taya mono omauyelele kaantu mboka ye li wo mu shoka sha lopotelwa Haimbili.
Omwedhi gwa zi ko, ACC okwa li a popi kutya ota konakona Haimbili kombinga yopoosa yUumenindjela wa kwalukehe ndjoa a gandja ku Albertus !Naruseb. Ewilikongundu lya TransNamib olya kutya Haimbili okwa gandja opoosa ndjika ku !Naruseb molwashoka aniwa !Naruseb ‘osuawala’ ye.
Nande ongaaka, Haimbili okwa ekelahi kokule omapopyo ngaka na omapulapulo ngoka a li a ningilwa omasiku ga zi ko, inage mu mona ondjo mu shika. !Naruseb okwa li mongundu yaantu ye li yatano mboka Haimbili a li a pe iilonga.
Momaandaha goshiwike shika, Angula , okwa li a lombwele aanankundana kutya Haimbili nEwilikongundu lya TransNamib oya ninga etsokumwe (kutya Haimbili na shunwe miilonga) gomolu uuwanwa woshigwana. h
Shika otashi ti wo kutya Festus Lameck oyo wo ngashiingeyi e li Omunashipundi gwOlaata ya TransNamib okuudha, molwashoka okwa li ikutha ye mwene iilonga mbika sho Haimbili a tulwa pevi uule woomwehi 11.
Angula okwa ti Haimbili nEwilikongundu lya TransNamib oya dhiminathanapo, gomolu uuwanawa woshilongo. h
‘Onda hala okuninga eindilo koshigwana, okupitila miikundaneki shi yambidhidhe edhiminathanopo ndika. Otandi indile wo iinkundanakei yi tinde ootakatika tadhi topola dhaapiyaganeki, mboka ihaya palutha nande ompito yokweetapo omafekelathano,’Angula osho a popi ngaaka.
Haimbili okwa li a tulwa pevi mu Auguste gwomumvo gwa zi ko poshigongi shotango shEwilikongundu lya TransNamib, e ta ningilwa iipotha yokulonga iilonga yokoraputo yi li ihamano.
Ihe oshigongi shoka a ningilwa kuyele nuumvo, sha li mewiliko lyOmunaveta Clement Daniel, ina shi mona ondjo miipotha itano.
Haimbili okwa li aniwa a ningi oshinima shi li pondje yoonkondo she sho a li a eta po omulandu gwoshimaliwa shokwiilonga kashi na iishoshela, ine gu gandja kEwilikongundu lya TransNamib li gu zimine.
Nande ongaaka, Okangundu okaningimatokolo omanene mo Swapo – oka li ka gandja elombwelo ku Minista Angula kutya na kale a tala kutya Haimbili okwa shunwa miilonga na shika osha li wo sha ziminwa kOkabinete.
Nande ongaaka, Angula okwa ti ye elombwelo ndika ke li shi, ta ti kutya Ewilikongundu lya TransNamib olya ashike lya pulakene kOlutu olupitithe-Okabinete. ‘Ewilikongundu olya ningi etokolo kulyo lyene. Ina shi indikwa oshilyo yOkabinete nenge Okabinete ayihe yi popye nEwilikongundu, ihe Okabinete itayi vulu okulombwele Ewilikongundu nkene li na okulonga,’Angula ta popi ngaaka.Angula okwe shi zimine kutya oshinima shika osha kanithitha Okampani Oomiliona, molwashoka osha li wo sha eta aaniilonga ya TransNamib moshilongo ashihe ya ninge ekanka.