ACC ota konaakona Haimbili

OKOMISI yi na sha nekondjitho lyiilonga yOkoraputo/Anti Corruption Commission (ACC) mu Namibia otayi konaakona iilonga ya longwa ku Titus Haimbili mu TransNamib.

Haimbili okwa li Omukuluntuiwliki gwOkampani ndjika, ihe ngashiingeyi oku li a tulwa pevi.
Omukuluntuwiliki gwa ACC, Paulus Noa, okwe shi koleke kutya otaya konakona Haimbili, ihe okwa tindi okupopya kutya olye a lopotele Haimbili oshipotha.
‘Otwa hala okumona ngele opu na sha ina shi uka sha longwa,’ Noa osho a popi ngaaka. Oonzo dhomauyelele dhi shi okwiinekelwa odha ti kutya ACC okwa li a indilwa ku TranNamib a ninge omakonakono, ku talika ngele opu na sha sha puka megandjo lyopoosa yUumeindjila wa kwalukehe ku Albertus !Naruseb.
Omathimbo ga zi ko, Ewilikongundu lya TransNamib olya li lya popi kutya Haimbili okwa li a gandja opoosa ndjika kutya !Naruseb molwashoka aniwa oku li suwala ye.
Nande ongaaka, Haimbili okwa ekelehi kokule omapopyo ngaka na omapulapulo ngoka a li a ningilwa omathimbo ga zi ko (ga li taga wilikwa ku Clemence Daniel) inage mu mona ondjo mu shika.
!Naruseb okwa li aniwa mongundu yaaniilonga aanene yatano mboka Haimbili a li a pe iilonga. Omwedhi gwa zi ko, Okabinete oya li ya lombwele Ominista yIilongo nOmakwatathano gOpangodhi, Helmut Angula, a kale mona tala Haimbili okwa shuninwa iilonga ye.
Onzo yimwe yomauyelele oya popi kutya shika oshinima natango ina shi pulufwa ngele Epangelo otali wilikwa kopaati (Swapo).
‘Opaati oya gndja elombwelo, ihe oshike tashi imbi Epangelo kali shi ninge? Otwa li tu shi shika oshinima oshipu noshuukilila,’ onzo ndjika tayi popi ngaaka.
Onzo yimwe yomauyelele oya ti kutya oshi li tashi limbilike okumona kutya TransNamib okwa hala ashike egandjo lyopoosa ku !Naruseb, nonande opu wo aantu ye li yane ya li ya pewa iilonga ku Haimbili.
‘Omuntu otop pewa ethano kutya opu na elandulwo lya !Naruseb na Haimbili,’ omuniilonga gumwe mu TransNamib, ta popi ngaaka.
Omasiku ga zi ko, Daniels okwa li a gandja osheetwapo kutya Haimbili na tidhwe molwashoka aniwa okwa taaguluka okondaraka ye sho a li I ipe oshimaliwa shokukiilonga (ka ku na iishoshela) ine shi gandja kEwilikongundu shi ziminwe.
Haimbili okwa li wo a minika ondjo miipotha yimwe itano yi na sha nuufuthi, okoraputo nokuningila podhipi.