Aayugi ya yaka po Jac-Mat

AAYUGI ya homata ota ku tiwa oyi iteyele mositola yikwamalusheno niilongithi yoparadio nosho tuu ya Jac Mat moVenduka no ya yakamo iinimayongushu yoodola omayovi 400 000 mwa kwatelwa iimaliwa koomuma yomayovi 45 000.

Omukonakoni omukuluntu, Barry de Klerk okwa ti aalumentu ye li yane aniwa oye ya pehala ndyoka mokati kuusiku wotundi 23 metitano oshiwike sha yi ya ti aniwa oya indila ehala lyokulala momagumbo ge li konima yositola ndjika.Mbaka aniwa oya li tashi ya fundju omunambelewa gwegameno ngoka opo ashike eya ethele mehala ndyoka oku ka longa nokutula miilonga omataheno gawo. Konima sho omugameni nomu keeleli pehala mpoka eya pitike yee yemo, mboka oye mu shitukile sho yaali yomuyo ya kutha mo aniwa oondjembo dhawo. Omugameni ngoka oye mu edhilile aniwa mokandjugo. Okuza mpoka oya teya omweelo oku ya meni lyositola ya Jac-Mat ta ku fekelwa ya longitha oshitenda shoku kuthitha omatayela komagulu giihauto[ tyre lever]. Aafekelwa mboka oya thigipo ehala ndyoka ya humbata osafe moka hamu pungulwa iimaliwa, ta ku tiwa omwa li oodola omayovi 45 000 koomuma. Kakele kosafe ndjoka aafekelwa aniwa oya yaka mo woo ootivii oompe ndhoka dhoshinanena dhili hamano ha dhi ithanwa ooflatscreen tiiviiomafano goshinanenangoka haga ithanwa digital kameras noshowo omatahno go videoOmugameni gwehala ndika okwa kala a edhililwa mokandjugo moka sigo opo tundi ontiheyali yongula , konima sho mu kwawo ngoka a li te ya okulonga omutenya eya oku mu kulilamo. Sigo oosho oshinyolwa shika sha tolokwa aafekelwa mbaka ka ya li ya kwatwa natango kopolisi .