Aayugi ya Std Bank poGobabis ya holoka mOmpangu hoka

A ALUMENTU yahamano mboka taku fekelwa ya yugu ombaanga ya Standard poGobabis oshiwike sha zi ko oya holoka komeho ga Mengestrata Johannes Shuuveni mOmaandaha.

Pamishangwa shOmpangu, aalumentu mboka yahamano, yatano Aazimbabwe na gumwe Omusouth Afrika oya lombwelwa kutya otaya kala manga konima yekumba sigo taya ka holoka ishewe komeho gOmpangu. Otaya tamanekelwa eyugo kwahomatiwa.Oya dhitikwa konima sho oshitayi sha Standard Bank Namibia poGobabis shi iyadha kohi yeyugo pethimbo tashi patulula omiyelo dha sho ongula yEtiyali lyoshiwike sha zi ko.Oonzo hoka osha lombwele The Namibian kutya aalumentu yatatu oya yi mOmbaanga ndjoka lwopotundi onti 09h00 mEtiyali moka.Aniwa oya kutha mo oombistoli etaya loombwele aantu ya lele pevi omanga taya pula ya pewe iimaliwa kaaniilonga yomombaanga.Omufekelwa gulwe omutine okwa li a tegelela mohauto ndjoka ya li ya paakinga pondje.Pahokololo lya Standard Bank Namibia, aayugi oya yi noondola/N$202 066 koomuma.Gumwe gwomaalumentu mboka okwa ka dhitikilwa pomweelo gwa Buitepos kombinga ya Botswana muule woowili mbali konima yeyugo.Otaku popiwa kutya oye a li ta hiningi ohauto ndjoka.Yakwawo oya ka dhitikilwa mu Botswana mEtiyali nongula yEtitatu konima sho ya yi moshilongo shoka shaa li paveta.Oondola/N$174 000 dhoshimaliwa shoka sha yakwa odha monika, ombaanga tayi ti.Aalumentu mboka oyo; Omusouth Afrika Naobutho Oscar Mdluli (29), Aazimbabwe Neshias Matole (33), Rameck Madaraoze (36) na Mthulishi Sibanda (27).Pahokololo lyOmpangu, Aazimbabwe ayehe oya zile ko Bulawayo sha Zimbabwe.Oshipotha shawo osha tsilikwa sigo omasiku 18 Juli omanga taku ningwa omakonakono.Otaya tamanekelwa eyugo kwahomatiwa.Oya dhitikwa konima sho oshitayi sha Standard Bank Namibia poGobabis shi iyadha kohi yeyugo pethimbo tashi patulula omiyelo dha sho ongula yEtiyali lyoshiwike sha zi ko.Oonzo hoka osha lombwele The Namibian kutya aalumentu yatatu oya yi mOmbaanga ndjoka lwopotundi onti 09h00 mEtiyali moka.Aniwa oya kutha mo oombistoli etaya loombwele aantu ya lele pevi omanga taya pula ya pewe iimaliwa kaaniilonga yomombaanga.Omufekelwa gulwe omutine okwa li a tegelela mohauto ndjoka ya li ya paakinga pondje.Pahokololo lya Standard Bank Namibia, aayugi oya yi noondola/N$202 066 koomuma.Gumwe gwomaalumentu mboka okwa ka dhitikilwa pomweelo gwa Buitepos kombinga ya Botswana muule woowili mbali konima yeyugo.Otaku popiwa kutya oye a li ta hiningi ohauto ndjoka.Yakwawo oya ka dhitikilwa mu Botswana mEtiyali nongula yEtitatu konima sho ya yi moshilongo shoka shaa li paveta.Oondola/N$174 000 dhoshimaliwa shoka sha yakwa odha monika, ombaanga tayi ti.Aalumentu mboka oyo; Omusouth Afrika Naobutho Oscar Mdluli (29), Aazimbabwe Neshias Matole (33), Rameck Madaraoze (36) na Mthulishi Sibanda (27).Pahokololo lyOmpangu, Aazimbabwe ayehe oya zile ko Bulawayo sha Zimbabwe.Oshipotha shawo osha tsilikwa sigo omasiku 18 Juli omanga taku ningwa omakonakono.