PORTH ELIZABETH – Aanambelewa mOshipangelo sha Porth Elizabeth oya tumwa ya ka konge aavu yo TB ye li 18 mboka yi iyaka mOshipangelo omasiku ngaka, Oshikondo shUuhaku sha Eastern Cape osho sha tseyitha ngaaka.
Omugandjimulombo gwOshikondo shika, Sizwe Kupelo okwa ti aavu kumwe ayehe ye li 21- mboka ayehe ya li haya pewa oopela dho TB oyi iyaka mo mOshipangelo sha Jopse Pearson TB Hospital mEtitano, sha zi sha mpoka sho olusheno lwa gu ko kombepo odhigu mu Port Elizabeth.Nonande eshina lyolusheno olya li tali longo, olya li ashike tali vulu okugandja olusheno kiikondo iinene yOshipangelo shika. Shika osha li nee aniwa sha gayitha aavu mbaka. Mange nee aniwa ewiliko lyOshipangelo lya li tali kambadhala okuuvithako aavu kombinga yonkalo ndjika, aavu oya li ya popi kutya oya hala kulalekwa, tayi aniwa kutya itaya vulu okukala momilema.Aavu ashika ye li yatatu yomaavu mbaka ya li ya galukile kOshipangelo onguka yOmaandaha. – Nampa-Sapa
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
