Aauvudhiya itaya mono enota nuumvo

AANAFAALAMA momudhingoloko gUuvudhiya moshitopolwa sha Shana otaya ka kala ye na omeya giimuna yawo ga gwana sigo opehulilo lyomumvo molwashoka, edhiya lyedhina Oponona olyu udha komufwanya.

“Oku ku lombwela oshili, Oponona itayi pwini nuumvo,” Kansela gwoshikandjohogololo sha Uuvudhiya moka omo mu na edhiya ndika Amutenya Ndahafa, osho a lombwele The Namibian ngaaka oshiwike shika. Ndahafa okwa ti kakele kOponona, omadhiya galwe ngashi ndyoka lyUupeke na M’lunga, nago ogu udha wo omeya pethimbo ndika.Moshitopolwa shUuvudhiya otaku tengenekwa mu na iimuna yi li pokati ko 15 000 no 20 000.Oponona olyo edhiya enene lya pata ko momulonga gwiishana ya Cuvelai na oha li kala nomeya ethimbo ele.Omeya ogendji gefundja oko haga ka kuutumba hoka.Uuna nee mwa yi omeya gefundja, edhiya ndika oha li etele aakalimo yaa hoka iikulya oyindji unene tuu oohi.Li li ookilometa 70 kuumbangalantu woshikunino shiiyamakuti sha Etosha, edhiya ndika olyo wo hali gandja omeya komulonga gwedhina Ekuma, ngoka hagu fala omeya mOkashana (Etosha Pan).Ndahafa okwa ti kakele kOponona, omadhiya galwe ngashi ndyoka lyUupeke na M’lunga, nago ogu udha wo omeya pethimbo ndika.Moshitopolwa shUuvudhiya otaku tengenekwa mu na iimuna yi li pokati ko 15 000 no 20 000.Oponona olyo edhiya enene lya pata ko momulonga gwiishana ya Cuvelai na oha li kala nomeya ethimbo ele.Omeya ogendji gefundja oko haga ka kuutumba hoka.Uuna nee mwa yi omeya gefundja, edhiya ndika oha li etele aakalimo yaa hoka iikulya oyindji unene tuu oohi.Li li ookilometa 70 kuumbangalantu woshikunino shiiyamakuti sha Etosha, edhiya ndika olyo wo hali gandja omeya komulonga gwedhina Ekuma, ngoka hagu fala omeya mOkashana (Etosha Pan).