Aatumwa ya AU otaya ka monathana nOmpangu yOpaigwana

ADDIS ABABA – Aatumwa yehangano lyUukumwe wAafrika oye na edhiladhiladhilo oku ka kuutumba nOmpangu yOpaigwana/International Criminal Court (ICC), nonande ehangano ndika oli li ompinge neindilo lyOmpangu ndjika kutya Omupresidnede gwa Sudana na kwatwe po a ka pangulwa, ngoka a li nale Omupresidende gwa South Afrika Thabo Mbeki, osho a popi mOlyomakaya.

‘Tse otu li mekwatathano nOmutamaneki na otwa tsa kumwe kutya ota tu ka monon a ompito tu kuutumbe koshipala noshipala,’ Mbeki osho a popi ngaaka. Mbeki okwa ti kutya ye ita vulu manga okutya sha kutya osheendo shawo otashi ka lombwela shika Ompangu ndjika, ihe okwa popi ashike kutya otaya ka kundathana wo kombinga yuuyuuki.Ompangu ndjika oya gandja elombwelo kutya Omupresidende gwa Sudan, Omar el Bashir na kwatwe po a ka pangulilwe omolu omapopyo kutya okwa li a kwatele komeho omadhipago nomauwinayi galwe ga ningilwa aakwashigwana moshitopolwa sha Darfur.Nande ongaaka, Bashir okwa tindi okukwatwapo. Mbeki oku li aatumwa yehangano lyUukumwa wAafrika, ye na sha nokweeta po ombili mu Darfur. Ehangano lyUukumwe wAafrika olya li lya popi kutya ngele Bashir okwa kwatwa po, oshinima shika otashi ka piyganeka oonkambadhala dhomkweeta ombili moshitopolwa shika.Otaku popiwa kutya iita yopashigwana mu Sudan oya faalele oomwenyo dhaantu ye li 200 000 omanga aantu ya konda poomiliona mbali ya thigi po omagumbo gawo. Iita mu Sudan oya li ya tameke momumvo 2003 sho aantu mboka kaye shi yeitaalo lyOshiAaraba, ya tameke okulwitha nEpangelo, ndyoka lya thikama po unenen mAaraba. – Nampa-Reuters