Aatotimpango ya laleke

OSHIGONGI shopashigwana osha hulitha iilonga yasho oshiwike shayi, naatotimpango yamwe oya laleke egumbo oshoka yo itaya galukile we megumbo, naawiliki yoongundu dhopolitika oya ningi ipopiwa yawo yahugunina megumbo ndyoka lyethimbo etine lyiilonga yokutota oompango.

Konima yokulalekwa kwa Libertine Amathila ompito ya ka landulako oya minista Helmuth Angula ngoka a li ominista yiilonga niiyenditho.Angula ina vula okugalukila koshigongi shopashigwana oshoka okwa li eli kokule momusholondondo gwomadhina gaa ulikwa yo Swapo, na ye ina hupithwa komuperesidende Hifikepunye Pohamba maatotimpango yaana ewi.’Kasha li aluhe ondjila yili nawa ethimbo alihe’osho Angula a ti, sho a ngongo okukala kwe oomvula omilongo mbali mepangelo.Ethimbo limwe lyaashi ewanawa oondyoka sho pwa li tapa ningwa etokolo kombinga yoonkundathana dhiilonga tayi futilwa kuUS Millenium Challenge Account, noodola oobiliona 3.’Shika sigo oompaka osho epungulo enene lyopashigwana ndyoka tali ka gandja uuwanawa kaakwashigwana yowala, pakweetapo iilonga, nelongo.’Angula osho a lombwele egumbo lyokutota oompango. Angula okwa li a pewa ombedhi nokupopiwa pwaana henda kutya pethimbo lyoonkundathana dhiimaliwa mbika ye okwa li ta landitha po Etosha aniwa komahangano gaatelelipo gopondje.Angula okwa tameke iilonga yepangelo ongo ominista yopevi yoomina 1990, taningi ominista yoohi okuza 1991-1995 na okwa li oomvula mbali ominista yiimaliwa sigo omumvo 1996.Okwa ulikwa opo aninge ominista yuunamapya 1996-2004 na okwa ka ulikwa ongo omukuluntu gwo NPC 2005-2008. Okuza muApril 2008 sigo omwedhi nguka okwa li ominista yiilonga niiyenditho.Omupevi minista gwelongo kwali , Becky Ndjoze ojo okwa hokolola oomvula dhe ntano moshigongi shopashigwana nomeho gakengeleka ta ti elongelokumwe olyo oshipatululo okuya kesindano..’Onda longele oshigwana melongo.Elongo olyo omuthikithipamwe omunene, natu li longitheni ngaashi shi li,; Ndjoze-Ojo a ti.Ina vula okugalukila koparlimande oshoka ina ya momusholondondo gwomeni lyaantu 55 yo Swapo mboka ye li megumbo.Omutotimpango gwa Nudo Asser Mbai ngoka a pandulwa ku Libertine Amathila ongo gentlemen sho ati uule woomvula ntano kena esiku a nukilile moohapu dhaatotimpango ooyakwawo nenge moohapu dhe mwali mwa yiwa’ Okwa ti ‘Ondi ile petungo ndika lwotango momilongo 1967 okwiila onzapo yandje ystd 10 yelongo lyaaBantu nolutiyali ondeya mpaka ongo omutotimpango 2005, osho Mbai a dhimbulukwa. Nudo ngashingeyi okuna ashike iipundi iyali megumbo.Tsudao Gurirab gwo CoD ita galukile megumbo oshoka ongundu ye oyina ashike oshipundi shimwe, okwa indile aatotimpango ya kale taya ningi oonkundathana dha tya shoo.’Eyambapalo lyoshilongo shetu olya kankamekwa koompango ndhoka dha kundathanwa nawa nawa megumbo muka.Eshongo lyetu olyo uuwanawa waantu yetu.Inamu thindila omadhiladhilo pevi kutya nee oguukwamuhoko nenge guufascist. Oshoka ngele omwega thitikininemo ota ga ka yanduka palwe’ osho a londodha.Elenga Justus Garoeb lyo UDF olya ti ehogololo lyahugunina olya kondjithwa koongundu dhompilameno na otwa tegelela iizemo yOmpangu Onene yoshilongo.Elenga Kuaima Riruako gwa Nudo okwa hekeleke yoompilameno ta ti yamwe yomune omwaninga aashona, nayamwe kamuna sha we, ndele ndika halyo ehulilo lyuuyuni,’osho a popi ta shendjula.Omuwiliki gwo DTA, Katuutire Kaura ka li mo moshigongi peha lye opwa popiwa ku Johan de Waal ngoka a ti ‘ Onda longo omutotimpango oomvula omulongo nantano, nondi ilongo oshindji. Kune aatotimpango aape otandi mu kumagidha ina mu imona muna oondunge ilongeni nokupulakena aatotimpango aakulu.Jurie Viljoen gwo MAG ndjoka ya kanitha oshipundi shayo okwa indile oSwapo kaa yi kale ya tala ooboere nAfrikaners ongo aatondi.’Katuna iinima ya holekwa nenge ando tuna opassporta dhi li mbali, tse otuhole Namibia, otwa hala oku gandja sha koNamibia inatu hala okuyonagula evi ndika. Omolwashike itaa mu longitha oombulu olwindji ngaashi moongundu dhokugandja omayele kombinga yevi,’osho a indile.Omuprima Nahas Angula okwa edhileko sho a ti’ Otwa patana nokukundathana uule woomvula ntano, pamwe otwa tsu kumwe palwe otwa li inaatu tsa kumwe, ndele opendji otwa ningi etokolo nenge otwaadha ethikilo, na otandi mu pandula meuveko lyeni.