Aatotimpango ya faula iilonga ishewe metiyali

IILYO yOshigongi shOpashigwana yimwe po, ka ya liko kiilonga yokutota oompango metiyali.

Shika osha fala sha hala okuulika kutya yamwe yomaatotimpango ina ya itulamo miilonga yawo, naashika osha fala sigo oompoka, egumbo lyotango lyokutota oompango li kale inaa li longa oshikando oshititatu meni lyiiwike iyali.Osha li esithahoni metiyali molwaashoka egumbo lyoparliamende olya li lya talelwapo kaaningi mpango yokoNigeria. Pethimbo mpoka omunashipundi shegumbo omusamane Theo Ben Gurirab okwa taamba ashike aayenda nokonima okwa edhile iilonga yegumbo.Oshigongi shOpashigwana osha tamekele iilonga yasho mo 15 gaSeptemba konima yefudho lyoomwedhi mbali pethimbo lyuutalala, ndele mo 17 gomwedhi ogo tuu ngoka aatotimpango yamwe oya faula iilonga.Shika osha fala sigo oompoka kutya ka pwa li aatotimpango ya gwana mboka ye na oonkondo okuninga omatokolo megumbo.Egumbo pakotampango lya Namibia oli na oku kala naatotimpango omilongo ndatu na yaheyali(37) yomiilyo 72 mboka ye na ewi lyetokolo opo ashike oonkundathana noompata ta dhi vulu okuya komeho.Ngele megumbo omuna omwaalu omushona gwaa totimpango mbaka nena ita li pitikwa li tsikile niilonga yalyo.Oshiwike sha yi natango aatotimpango yamwe oya li inaa ya holoka kiilonga, naamboka ya holoka oya shunithwa komagumbo.MuJuni nuumvo aatotimpango oya faula kaayena matompelo lwaali meni lyiiwike iyali onkene poompito ndhika mbali oonkundathana odha kalekwa.Metiyali omupopi megumbo omusamane, Theo Ben Gurirab okwa lombwele mboka ya li ye ya kiilonga ya, kundathane naakwatelikomeho yoongundu dhawo megumbo noya tokole kutya oshike tashi ningwa po.’Otandi mu indile mu galukile ndje,mu lombwele ndje kutya oshike ta shi ningwa po.’Gurirab okwe ya lombwele oku ya ulikila kutya ina nyanyukilwa shoka taya ningi.Osha li ta shi yolitha molwaashoka Ominista yOonakulwa Aakulu, Ngarikutuke Tjiriange ina vula oku tula ondungethaneko ye yina sha noquoruma poshitaafula, shaashi , megumbo ka mwali oquoruma.Tjiriange okwa thaneka kutya ompumbwe yoquoruma yi kale ta yi dhengele uuna ndoka egumbo lya pumbwa okuninga etokolo ta li pitile mokuhogolola, ndele ngele egumbo ota li kundathana ashike, oshinima shika ina shi manga egumbo li tsikile ngaashi osho hashi ningwa pethimbo ndi.Opo shika shiningwe otashi pumbwa ekotampango lya Namibia li lundululwe, molwaashoka sigo oompaka ota li ti aatotimpango 37 ye na oonkondo dhoku ninga etokolo oye na okukala megumbo.