Aatoolinkunda yaali ya mangululwa

HARARE – Onkundana okuzilila ku Harare sha Zimbabwe otayi ti kutya Epangelo lyoshilongo shika olya mangulula aatoolinkundana aakulunyu ye li yaali, konima yesiku limwe sho ya li ya kwatwa shi na sha nokushanga iinyolwa yiifundja kombinga yekwatopombambyona lyaanapolitika ye li 18 yoongundu dhompilamena.

Omuwilikikuluntu gwOshifokundaneki sha Zimbabwe Independent, Vincent Kahiya nomukuluntudhindinkundana gwOshifokundaneki shika, Constantine Chimakure, oya li ya kwatwa po mOmaandaha kombinga yoshinyolwa shi sha pitithwa kOshifo shika shi ikwatelela koondokumende tadhi popi omadhina gaakonakoni yomonanguwi (yEpangelo), mboka oyo aniwa ya kwatwa po ombambyona aanapolitika mbaka mu Novemba na Desemba gwomumvo gwa zi ko.
Kahiya na Chimakure ayehe oya li ya ningilwa oshipotha shokunyola iifundja na kehe gumwe okwa li ma manggululwa kombooloha yOondola omathele gaali, Omunaveta gwawo, Innocent Chagonda, osho a popi ngaaka.
‘Oya mangululwa na oya ya komagumbo,’ Chagonda osho a popi ngaaka