Aatonateli mahogololo ya SADC ya thiki

OONGUNDU ndhoka tadhi thigathanapo, noshowo aahogololi naya tseye kutya omahogololo kage shi ethimbo okutalathana ongo aatondi ndele ongo aathigathani, oshoka mboka ye li momahogololo oyo ayehe oshigwana shimwe ye na elalakano limwe.Ndika olyo ekumagidho lyamushangandjai gwa SADC omusamane Thomas Salomao.

Salomao okwa popi pethimbo ta taamba aakalelipo ya Sadc mokutonatela omahogololo pehulilo lyomwedhi nguka , mboka ya thiki moshilando pangelo etitatu.Okwa ti ‘ayehe mboka taya kutha ombinga momahogololo naya kale yi ilongekidha okutaamba iizemo kutya nee oya sindana nenge oya sindika,’Salomao okwa taamba aatonateli mahogololo yaza kiilongo 14 ya Sadc yeli 100 poshiindingili shoku yataamba moVenduka.Ongundu ndjika oyi na oombelewa yadho mohotela yimwe popepi nokapale koondhila ka Eros muumbugantu wa Venduka no ta yi wilikwa koMinista yoodiplomate ya Mozambique Francisco Madeira.’Tse otwe ya mpaka oku dhana nokuhambelela uudemokoli wa Namibia pethimbo lyomahogololo noshowo okutonatela omahogololo ndele tse ina tu ya mpaka tu kale opolisi yoshilonga shika,’ Madeira ta ulike.Kombinga yegamombinga lyiikundaneki yepangelo kongundu ta yi pangele Madeira okwa yamukula tati yo otaya longo kohi yomulandu gwa Sadc ngoka tagu ti iikundaneki oyi na okugandja ompito yi thike pamwe koongundu adhihe ta dhi thigathanapo, na yo osho ya itaala mwaashoka.Pethimbo ndika oshifo sho New Era ohashi gandja oonkundana kombinga yoongundu dhopolitika shithike pamwe ndele oNbc oya monika ta yi gandja ethimbo olindji kongundu ta yi pangele okuyeleka noongundu dhilwe, pama pekaapeko ga IPPR.Onkene oku gandja ethimbo olindji kongundu yimwe ota shi ulike kutya Nbc ota taaguluka omautho gaSADC gena sha nomahogololo.Pahapu dha Shafimana Ueitele komufala gwoKomisi yomahogololo ya Namibia, okomisi ota yi kala nuuketha womahogololo 997 ta ukalele nuuketha ta u dhingoloka wu li 580.Oongundu ndhika ota dhi talelepo omahala gokuhogolola geli 2 213 uule womasiku gehogololo gaali.