Aatiligane hayo ya eta uupyakadhi mu Zimbabwe: Obama ta ti

HARARE – Omupresidende gwa Amerika Barack Obama okwa ekelahi omapopyo gOmupresidende gwa Zimbabwe, Robert Mugabe kutya iilongo yaatiligane oyo tayi nanitha nondandu eliko lyoshilongo she.

Obama dhika okwa li edhi popi pethimbo a li metalelopo lye ku Ghana oshiwike sha zi ko. Okwa ti oshipu okuulika aantu yalwe oonyala kutya oyo ya eta uudhigu mbuka. Obama okwa ti uukoloni owa eta shili uudhigu mwAafrika.Ihe iilongo yaatiligane hayo ya eta eteyopo lyeliko lya Zimbabwe, muule woomvula omulongo dhiita moka aanona ya li wo ya longithwa muukwiita,’ Obama ta popi ngaaka.Obama Omupresidende gwa Amerika omutitatu ta talelepo GhanaYalwe mbeyaka ya li wo ya talelepo oshilongo shika oyo Bill Clinton na George Bush. Manga Obama ta ekelehi omapopyo ga Mugabe, Mugabe okwa li ta ponokele iilongo yaatiligane nomalaka, sho aniwa ya hala omakwathelo ngoka taya gandja ku Afrika ya hala ga longithwe pamukalo ngoka ya hala.A li ta popi pefumviko lyomukondjelimanguluko gumwe pOmawendo gOpashigwana, Mugabe okwa ti ‘inatu ininga we nayi oku ka konga omakwathelo kiilongo yaatiligane. Otu na ookuume ketu mboka ya hala okulonga pamwe natse pamukalo guuthikepamwe.’Mugabe okwa kala nokupopya kutya iilongon yaatiliganeje oyo ya eta onkalo yeliko tali nana nondatu mu Zimbabwe na oya hala wo okumu kutha koshipundi ong’egeelo sho a eta po oprograma yetopolululo lyevi, ndjoka ya eta aatiligane yamwe ya kuthwe oofaalama.Iilongo yaatiligane otayi ti kutya Mugabe okwa teya po eliko lyoshilongo nomilandu dhe. – ZimOnline