Aataleli yomahogololo yopondje ta ya thiki oshiwike tu uka moNamibia

AATONATELI yomahogololo yaza kiilongo yi ili no yi ili muuyuni oya tegelelwa ya tameke okuthika moshilongo meni lyomasiku 16 ngoka ga hupa ko omanga konyala aahogololi yevule omiliona yimwe moNamibia inaa ya, ka ya puuketha womahogololo.

Namibia ota ka hogolola iilyo iipe yoshigongi shoshigwana yi li 72, noshowo omuperesidende momahogololo omatine goludhi nduka oku za sho ondjoko yuukoloni ya tewa po mo 1990.Pethimbo ndika oongundu dhopolitika ota dhi ningi iikonga ta dhi landitha omalalakano gadho kaahogololi, opo yo ya ninge etokolo kutya iipindi yi ni ta ya landa. Oongundu odhindji odha tsilika omambapila mooha dhoondjila ge na omafano gaaleli nenge ge na omanenethaneko goondjodhi ndhoka oongundu tadhi yagumine, Namibia ngele odhi hogololwe dhi ninge epangelo.Mboka ta ya hogolola tango momahogololo ngaka oyo aakwati yoohi , aayendi futa noshowo aailongi, naaniilonga yomoombelewa dhaakalelipo shilongo sha Namibia kiilongo yokondje.Omahogololo oge li woo popepi molwaashoka aatonateli yomahogololo oya indile, oku ya, ya tonatele omahogololo, naambaka ota ya tameke okuthika muka metiyali oshiwike tu uka. Aatonateli 60 oya tegelelwa ya kalelepo SADC.’Okomisi yOmahogololo ya Namibia oyi na ontseyo yomwaalu omushona gwaatonateli yomeni lyoshilongo naamboka yopondje yoshilongo ya hala oku ya ya tonatele omahogololo’ Rukee Tjingaete a ti.Okwa ti sigo oompaka mboka ya ulike taya ka tuma aatonateli oyo mboka yoKomisi yoMahogololo ya SADC taya tumu aanambelewa 25, mbaka oya tegelelwa ya kale ya thika muka metitano lyo 20 ga Novemba 2009.’ ‘Oombelewa dhaakalelipo yiilongo ya Europa moNamibia odha ulike kutya iilongo yawo otayi kalelwa po kuukumwe wa Europa, na uuyelele owundji kombinga yaambaka ota u ka gandjwa nale.’Onamibia Institute for Democracy[NID] oya tseyithile oECN kutya yo ota yi ka gandja aatonateli yomahogololo ye li 287, omanga oNational Society for Human Rights[NSHR] ota yi kala yina aatonateli 40 moshilongo ashihe.Okomisi Yomahogololo oya tegelela omaindilo ogendji oku za komalutu ogendji meni nopondje yoshilongo, ngaashi Ongongahangano Yoongeleka moNamibia [CCN] nayo oya tegelelwa yi ka kale yina aatonateli yomahogololo ye li 1 800, ndjika ota yi longele kumwe na Konrad Adenauer Stiftung. Oombapila dhomaindilo guutonateli womahogololo ota dhi adhika poombelewa dho ECN.