AaSan mboka ya tulululwa pofaalama ya Uitkoms ota ya sondjala

KONYALA aaSan yeli omathele gatatu mboka ya tulululwa pofaalama ya Uitkoms kuuzilo wOkahandja ota ya sondjala. Aantu mbaka oya tululilwe mpoka omumvo gwa ziko, no ya kala ha ya pewa iikulya oku za kepangelo. Ndele ota ku hokololwa kutya omwedhi gwa ziko mbaka inaya mona iikulya yawo ngaashika ha ,yeyi pewa omwedhi kehe.

‘Ttse otwa sondjala molwaashoka osheenditho shoka ha shi tu etele iikulya ina shi ya po mpaka omwedhi gwa yi,’gumwe gwaantu mbaka ta ti.’Otwa pelwe uusila wepungu uushona oshiwike shayi ndele mbuka inau gwana’.Omuwiliki gwopevi gwiilonga ya shewa mombelewa yomuprima gwopevi, Gerson Kamatuka okwa ti okwa tumine ooshako dhili 40 dhepungu oshiwike sha yi sho a uvu kutya aantu mbaka kaye na iikulya, na ina ya pewa iikulya yawo ya Kotoba.’Shika onda tegelela shi hwepopeke onkalo ndjoka sigo uuna ndoka ta ya ka pewa iikulya yawo ya Novemba,’ Kamatuka ta ti.Iikulya yaaSan oha yi etwa pofaalama ndjoka kaanambelewa yongundu yeulumompumbwe okuza kOtjiwarongo, Kamatuka ta gwedha ko.Iikulya oha yi gandjwa lwopomasiku ge li omugoyi gomwedhi kehe lwaampoka.MuKotoba opwa li pena uupyakadhi wokumona iikulya, ndele omwedhi nguka egandjo lyiikulya olina okukala li li nawa ishewe.Epangelo olya landa ofaalama ya Uitkoms konima yoomvula sigo Uuministeli womavi owa gandja ofaalama ndjika kombelewa yomuprima gwopevi dr Libertine Amathila opo AaSan ya vule okutulululwa mpoka lwotango okuza sho oshilongo sha manguluka.Etulululo lyotango olya li lyopaumwene sho Klaus Mais Rische a gandja ofaalama ye kuumbangalantu woSHomeya opo yi tulululwe aaSan kohi yoprograma ha yi ithanwa Ombili Foundation..Omvula yimwe ya piti epangelo olya tula asHaikom pofaalama ya Seringkop nonkwawo yi li kuumbugantu wEtosha. AaHaikom oya li nale ya kala mEtosha sigo oosho ya tidhwa mo kepangelo lyokatongotongo lya South Africa 1960’s.