Aapolisi ya Namibia ya kwathela mombili yuuyuni

AANAMBELEWA yopolisi ya Namibia oya tumbalekwa molwa iilonga ya wo yi shi kuholelwa ,mbyoka ya longo omanga ya li metumo lyombili lyIigwana Ya Hangana ko East Timor.

Aanambelewa mbaka etumbaleko ndika oye li pewa kOmukuluntu gwopolisi ya Namibia, Leitenanda Ndjai Sebastian Ndeitunga pethimbo opo ashike ya galuka oku za ko East Timor omathimbo ngaka.Pethimbo lyoshiithanene okutaamba aanambelewa mbaka ye li (9) konima yokulonga metumo ndika lyombili uule woomwedhi 18, Ndjai Ndeitunga okwe ya simaneke ta ti oya kwathele mokweetapo omudhingiloko gwombili, moka aantu miilongo ya piyaganekwa kiita ta ya kala ya gamenwa,noshowo iilonga yuulingilingi ya keelelwa, ya piyaganekwa no ta yi konakonwa nuukeka.Okwa ti ontseyo nuunongo mboka aapolisi mbaka ya mono metumo ndika lyombili ogo omukalo omwaanawa oku humitha komeho ompango nelandulathano, meni lyuudemokoli muuyuni auhe.Moku yeleka iilonga yaapolisi mbaka niilonga mbyoka ya li ya longwa kUNTAG pethimbo lyokatokolitho 435 taka tulwa miilonga 1989, Ndeitunga okwa ulike eitulemo lya Namibia moku kaleka po ombili muuyuni.Aapolisi ye li omugoyi ota ya ka ya ko East Timor oshiwike shika okujoina ooyakwawo yane mboka ye li miilonga yIigwana ya Hangana. Omanga etanga lyopolisi natango ota li iilongekidha oku tuma aapolisi aakiintu omi 85 ya ka longe nIigwana ya Hangana pamwe nomatanga gombili guukumwe wAfrica moDarfur sha Sudan.Opolisi ya Namibia oya kala hayi kutha, ombinga momatumo gombili kohi yIigwana Hangana oku za omumvo 2000, sho etumo lyotango lya yile koEast Timor, lya landulwa kwaandyoka lyoko, Siera Leone,Liberia,Darfur na Sudan lyokuumbugantu noshowo Somalia.Opolisi oyi li woo yi ilongekidha okulonga metanga lyeilongekidho lyaSADC.Aapolisi kumwe 28 ya Namibia oye li momatumo gombili gIigwana Hangano.Omukulukadhi omupolisi, Kauna Shikwambi okwa lombwele oThe Namibian ta ti okwa nyanyukwa okugalukila kegumbo, noshowo ofamilia ye oya panda sho eya kegumbo. Okwa ti nando osha li oshidhigu oku kala kokule negumbo ontseyo ndjoka a mono metumo moka owo uuwanawa no, u na oshilonga.