Aapolisi ya kuthwa miilonga keso lyaKandara

INSPEKTA-NDJAYI gwOpolisi Leitenanda -Ndjayi Sebastian Ndeitunga okwa kutha miilonga pakathimbo aanambelewa yOpolisi shi na sha neso lyomutoti nokwali wo omukuluntuwiliki gwa Avid Investments Corporation nakusa Lazarus Kandara ngoka i idhipaga omanga e li momake gOpolisi iiwike itatu lwaampoka ya zi ko.

Aanambelewa yOpolisi mboka yane oya kuthwa miilonga mEtiyali lyoshiwike shika. Aanambelewa yOpolisi ayehe yane mboka ya li ye na oshimpwiyu okutonatela nakusa Lazarus Kandara omanga ini idhipaga momasiku 24 gaAguste oya kuthwa miilonga meendelelo, Ndeitunga osho a tseyithile iikundaneki ngaaka mEtiyali lyoshiwike sha zi ko.Omugandjimulombo gwOpolisi, Inspekta Omukuluntu Angula Amulungu okwa tindi okugandja omadhina gaapolisi yane mboka ya kuthwa miilonga pakathimbo.Ta popi kutya aantu mboka oya talika ko kutya kaye na ondjo sigo taya ka monika ondjo shapo sho taya ka holoka komeho gokakomitiye komazulo.Onzo yimwe oya popi kutya mboka ya kuthwa miilonga aapolisi yoshikondo shiimbuluma mwakwatelwa komanda Omukonakonipolisi Inspekta Omukuluntu Oscar Sheehama.Yalwe mboka wo ya kuthwa miilonga ongaashi nee Sergeant Linekela Hilundwa, Jacky Kantema na ConstabelaChsolin Tjitemisa.Nando ongaaka, Sheehama ina zimina ekutho lye miilonga pakathimbo nokwa gandja nokuli elombwelo komunaveta gwe Sisa Namandje a kondjithe oshinima shika.Namandje okwa shangele ku Leitenanda -Ndjayi Sebastian Ndeitunga ta popi kutya otashi vulika ngiini Sheehama a kuthwe miilonga omanga ina pewa ompito a gandje ombinga ye moshinima omanga inakuningwa etokolo ndika.Momushangwa ngoka Namandje okwa lombwele Ndeitunga kutya Sheehama ina pogola nando, nosha fa shi li ngeyi kutya Inspekta-Ndjayi okwa ningi etokolo ndika molwomapopyo ngoka taga zi moshigwana kombinga yoshinima shika mokuninga etokolo ndika.Namandje okwa popi kutya etokolo ndyoka nali kale lya shunithwa nenge tutye lya ningululwa mEtine lya zi ko.Ta londodha ngeyi kutya ngele inashi ningwa mOmaandaha (ohela) otaku ka ningwa eindilo lyomeendelelo mOmpangu yOpombanda pehala lya Sheehama.Momasiku 24 gaAguste , Hilundwa, Kantema na Tjitemisa oya li ya thindikile Kandara a ka tale iinguma, iikutu nomiti dhe kegumbo lye nosho wo kegumbo lyomupambele gwe Gerson Hinda, omanga ina ka patelwa mo pOsasiona yOpolisi ya Venduka.Pahokololo lyOpolisi Kandara okwa li nani e na ombistoli yoomilimeta omugoyi (9mm) sho e ya nOpolisi pOsasiona yOpolisi opo andola a tulwe mokawilu.Opolisi oya koleke kutya ondjembo ndjoka oyi li kedhina lya Kandara.Opolisi oya popi kutya Kandara okwa kutha mo ondjembo ndjoka nokwiiyaha montulo komeho gOsasiona yOpolisi.Iizemo yomakonakono gopaunongononi ngoka taga ningwa ku talike ngele Kandara okwiidhipaga shili, inayi zamo natango, Amulungu ta popi ngaaka oshiwike sha zi ko.Amulungu okwa popi kutya omakonakono gOpolisi kombinga yeso lya Kandara otaga tsu omuthindo okutala kutya ondjembo okwe yi kutha naanaa peni nuunake.Omakonakono ngoka otaga ka andjaganekwa kombinga yomapulapulo moshinima shoka tashi ka eta mpoka opo Mengestrata a ninge etokolo ngele Kandara okwi idhipaga tuu shili.Omakonakono otaga ka tala wo ngele aapolisi mboka ya li na Kandara oya landula omilandu adhihe, okumuhadha, okumumanga ngele otashi pumbiwa nosho wo okukala uupathi ethimbo alihe, Amulungu ta popi.Ndeitunga okwa popi pamushangwa ngoka a tumine kiikundaneki oshiwike sha zi ko kutya okwa gandja elombwelo kutya aanambelewa mboka yane naya kuthwe miilonga na ishewe naya tamanekwe pashikondo shawo.Ta ti, mboka otaya ka tamanekelwa uuhasha miilonga.Amulungu ina vula okupopya kutya aanambelewa mboka otaya ka holoka komeho gokakomitiye komazulo unake.Kandara okwa yahwa okusa konima owala yoowili ne netata lwaampoka konima sho a tulwa miipandeko pOmpangu yOpombanda konima owala sho a gandja ehokololo lye kombinga yekano lyoshimaliwa shoomiliyuna omilongo ndatu (N$30 million) dha Social Security Commission (SSC) shoka sha kanene mokampani ye yedhina Avid Investments Corporation kuyele nuumvo.Oshimaliwa shoka osha li nee shi na okupungulwa mu Avid uule woomwedhi ne omanga inashi galulwa niishoshela yi li pomiliyuna oshinkwanu ne yehali (N$1,47 million).Aanambelewa yOpolisi ayehe yane mboka ya li ye na oshimpwiyu okutonatela nakusa Lazarus Kandara omanga ini idhipaga momasiku 24 gaAguste oya kuthwa miilonga meendelelo, Ndeitunga osho a tseyithile iikundaneki ngaaka mEtiyali lyoshiwike sha zi ko.Omugandjimulombo gwOpolisi, Inspekta Omukuluntu Angula Amulungu okwa tindi okugandja omadhina gaapolisi yane mboka ya kuthwa miilonga pakathimbo.Ta popi kutya aantu mboka oya talika ko kutya kaye na ondjo sigo taya ka monika ondjo shapo sho taya ka holoka komeho gokakomitiye komazulo.Onzo yimwe oya popi kutya mboka ya kuthwa miilonga aapolisi yoshikondo shiimbuluma mwakwatelwa komanda Omukonakonipolisi Inspekta Omukuluntu Oscar Sheehama.Yalwe mboka wo ya kuthwa miilonga ongaashi nee Sergeant Linekela Hilundwa, Jacky Kantema na ConstabelaChsolin Tjitemisa.Nando ongaaka, Sheehama ina zimina ekutho lye miilonga pakathimbo nokwa gandja nokuli elombwelo komunaveta gwe Sisa Namandje a kondjithe oshinima shika.Namandje okwa shangele ku Leitenanda -Ndjayi Sebastian Ndeitunga ta popi kutya otashi vulika ngiini Sheehama a kuthwe miilonga omanga ina pewa ompito a gandje ombinga ye moshinima omanga inakuningwa etokolo ndika.Momushangwa ngoka Namandje okwa lombwele Ndeitunga kutya Sheehama ina pogola nando, nosha fa shi li ngeyi kutya Inspekta-Ndjayi okwa ningi etokolo ndika molwomapopyo ngoka taga zi moshigwana kombinga yoshinima shika mokuninga etokolo ndika.Namandje okwa popi kutya etokolo ndyoka nali kale lya shunithwa nenge tutye lya ningululwa mEtine lya zi ko.Ta londodha ngeyi kutya ngele inashi ningwa mOmaandaha (ohela) otaku ka ningwa eindilo lyomeendelelo mOmpangu yOpombanda pehala lya Sheehama.Momasiku 24 gaAguste , Hilundwa, Kantema na Tjitemisa oya li ya thindikile Kandara a ka tale iinguma, iikutu nomiti dhe kegumbo lye nosho wo kegumbo lyomupambele gwe Gerson Hinda, omanga ina ka patelwa mo pOsasiona yOpolisi ya Venduka.Pahokololo lyOpolisi Kandara okwa li nani e na ombistoli yoomilimeta omugoyi (9mm) sho e ya nOpolisi pOsasiona yOpolisi opo andola a tulwe mokawilu.Opolisi oya koleke kutya ondjembo ndjoka oyi li kedhina lya Kandara.Opolisi oya popi kutya Kandara okwa kutha mo ondjembo ndjoka nokwiiyaha montulo komeho gOsasiona yOpolisi.Iizemo yomakonakono gopaunongononi ngoka taga ningwa ku talike ngele Kandara okwiidhipaga shili, inayi zamo natango, Amulungu ta popi ngaaka oshiwike sha zi ko.Amulungu okwa popi kutya omakonakono gOpolisi kombinga yeso lya Kandara otaga tsu omuthindo okutala kutya ondjembo okwe yi kutha naanaa peni nuunake.Omakonakono ngoka otaga ka andjaganekwa kombinga yomapulapulo moshinima shoka tashi ka eta mpoka opo Mengestrata a ninge etokolo ngele Kandara okwi idhipaga tuu shili.Omakonakono otaga ka tala wo ngele aapolisi mboka ya li na Kandara oya landula omilandu adhihe, okumuhadha, okumumanga ngele otashi pumbiwa nosho wo okukala uupathi ethimbo alihe, Amulungu ta popi.Ndeitunga okwa popi pamushangwa ngoka a tumine kiikundaneki oshiwike sha zi ko kutya okwa gandja elombwelo kutya aanambelewa mboka yane naya kuthwe miilonga na ishewe naya tamanekwe pashikondo shawo.Ta ti, mboka otaya ka tamanekelwa uuhasha miilonga.Amulungu ina vula okupopya kutya aanambelewa mboka otaya ka holoka komeho gokakomitiye komazulo unake.Kandara okwa yahwa okusa konima owala yoowili ne netata lwaampoka konima sho a tulwa miipandeko pOmpangu yOpombanda konima owala sho a gandja ehokololo lye kombinga yekano lyoshimaliwa shoomiliyuna omilongo ndatu (N$30 million) dha Social Security Commission (SSC) shoka sha kanene mokampani ye yedhina Avid Investments Corporation kuyele nuumvo.Oshimaliwa shoka osha li nee shi na okupungulwa mu Avid uule woomwedhi ne omanga inashi galulwa niishoshela yi li pomiliyuna oshinkwanu ne yehali (N$1,47 million).