Aapangi mOpenzela ya gongala pEndola

O NGUNDU onene yAapangi mboka ye li mOpenzela, mehuliloshiwike lya zi ko oya kala ya gongala pEgongalo lya Elcin pEndola, mOntanda yawo ndjoka haye ningi aluhe konima yomvula yimwe.

Omunashipundi gwEwilikongundu lyAapangi mbaka ye li moshipundi shevululuko, meekulu Josephina Udjombala okwa lombwele The Namibian kutya shika oshikando oshititatu taya ningi ontanda yawo yaapangi aakulu ngeyi, okuza sho ye yi tameke po momumvo 2002. Meekulu Udjombala ta ti kutya Otanda yawo yotango oye yi ningile nee momumvo 2002 mOngwediva naandjoka ya ka landula ko momumvo 2005 oye yi ningile mEenhana nandjika nee yonuumvo 2007 mEndola.Ta ti kutya elalakano lyOntanda yawo ndjoka okuvululukwa po ye li pamwe noombushe miiloonga kwali, okutseyathana nokwiindukika ya kale kumwe, okuyongolathana noshowon okuhungathana nokuhambelela Omushiti gwawo Kalunga kawo sho pasilohenda nopagameno lye e ya note ya kaleke natango ye na uukolele monkalamwenyo yokombanda yevi noshowo okudhimbulukwa yakwawo mboka ye ya tetekela nale nokudhimbulukwa wo oothigwa dhawo.Sho ya thikile mEtitano ndjoka lya zi ko lyeti 27 Juli 2007, oya ningilwa Elongelokalunga lyetameko kOmusita Jona Amakali na Vesper Omuuvithi ku tate Petrus Twadile.Meekulu Josephina Udjombala ta taamba aaakwashigongi nomaako gaali, mboka wo nayo ye mu taamba nomaako gaali.Okuza mpoka, aapangi aakulu mbaka oya dhimbulukwa oombushe yawo miilonga mboka ye ya tetekela nale nokugandja esimaneko lya hugunina kuyo noku ya halela evululuko lyombili muukwaaluhe.Aanegumbo mEndola, oya taamba ko ayehe ye ya kOntanda ndjika negalikano lyongulohi olya ningwa ku Meekulu S, Hamunyela Olyomakaya olya li nee esiku enene lela, moka Oandaha ya ningwa ku Meekulu Rebekka Hamalwa niipopiwa ya simana kaantu ya simana oya landula ko nee.Otundimbiimbeli oya ningwa kOmumbiishofi naye e li moshipundi shevululuko Dr Kleopas Dumeni.Omuwiliki gwUuhaku moNooli, Omundohotola Naftali Hamata okwa li ye mu pe e ya popithe kombinga, nkene ye na okwiikwatha kombinga yomukithi gwOkankela nogwOsuuka.Ongomupangi nda penzelwa, otandi yanda ngiini uudhigu wethimbo ndika? Epulo ndika olya li lya pulwa Omusita Aune Shilongo-Hamunyela nOmusita Magdalena Ya-Shalongo Omupangi omukulu mOshipangelo shEenhana Meekulu Leefa Shikongo okwa popi kombinga yokuyongolathana nokudhilaadhila oshilonga shoye.Oshipopiwa okwe shi enditha nawa noyendji ya li moka, oya li ye shi hokwa noye shi uvitile ombili.Aanambaanga yOmbanaga yOtango yOpashigwana, Efolo Ruusa Udjombala na tate Abed Mushaandja, oya popitha Aapangi aakulu mbaka kombinga ya nkene openzela ya pungulwa mOmbaanga tayi gandja uuwanawa kooyene yayo.Iigongi monakuyiwa nuukwashilyo, oya li ya fatululwa kOmunashipundi gwEwiliko lyOontanda dhAapangi aakulu mbaka meekulu Josephina Udjombala.Meekulu Johanna Shipena na meekuluKatrina Auala, ngoka e li Amushanga gwEwilikongundu lyOontanda ndhika, oya ngongo nokulombwela oshigongi elongitho lyiitaambwa noonkundathana.Meekulu Johanna Iilonga, MeekuluNdahambelela Shikale, MeekuluLinda Kaukungwa, Meekulu Angalanei Namupala, meekulu Lucia Shamena na Meekulu Sesilia Haufiku oya eta po iipopiwa yi na sha nokushuna monakuziwa noondjimbo noshowo egalikanopandulo nehambelelo.Aawiliki yoshigongi, oya ngongo po nee iiyetwapo yaakwashigongi nehulitho lyohungi.Molyomakaya moka, Aapangi aakulu mbaka oya li wo ya talelwa po nokupopithwa ku Gavena yOshitopolwa sha Hangwena tate Usko Ngaamwa.mOsoondaha oya ningilwa Elongelokalunga kOmumbiishofi Dr Thomas Shivute ta yambidhidhwa kOmusita Magdalena Ya -Shalong.Molwashoka konale kakwali nani aapangi yaalumentu, Otanda ndjika oya li ya thikama ashike moomeme.Elongelokalunga sho lya pu oya lalekathana nokushuna kIitopolwa nokomagumbo gawo.”Oontanda nenge ndi tye iigongi yoludhi nduka iiwanawa noonkondo notayi tungathana nokukutha po wo uuza nombepo yokwiikalela mokati kaapangi ye li miipundi yevululuko,” Meekulu Kayoso ka Udjombala ta lombwele The Namibian ngawo.Meekulu Udjombala ta ti kutya Otanda yawo yotango oye yi ningile nee momumvo 2002 mOngwediva naandjoka ya ka landula ko momumvo 2005 oye yi ningile mEenhana nandjika nee yonuumvo 2007 mEndola.Ta ti kutya elalakano lyOntanda yawo ndjoka okuvululukwa po ye li pamwe noombushe miiloonga kwali, okutseyathana nokwiindukika ya kale kumwe, okuyongolathana noshowon okuhungathana nokuhambelela Omushiti gwawo Kalunga kawo sho pasilohenda nopagameno lye e ya note ya kaleke natango ye na uukolele monkalamwenyo yokombanda yevi noshowo okudhimbulukwa yakwawo mboka ye ya tetekela nale nokudhimbulukwa wo oothigwa dhawo.Sho ya thikile mEtitano ndjoka lya zi ko lyeti 27 Juli 2007, oya ningilwa Elongelokalunga lyetameko kOmusita Jona Amakali na Vesper Omuuvithi ku tate Petrus Twadile.Meekulu Josephina Udjombala ta taamba aaakwashigongi nomaako gaali, mboka wo nayo ye mu taamba nomaako gaali.Okuza mpoka, aapangi aakulu mbaka oya dhimbulukwa oombushe yawo miilonga mboka ye ya tetekela nale nokugandja esimaneko lya hugunina kuyo noku ya halela evululuko lyombili muukwaaluhe.Aanegumbo mEndola, oya taamba ko ayehe ye ya kOntanda ndjika negalikano lyongulohi olya ningwa ku Meekulu S, Hamunyela Olyomakaya olya li nee esiku enene lela, moka Oandaha ya ningwa ku Meekulu Rebekka Hamalwa niipopiwa ya simana kaantu ya simana oya landula ko nee.Otundimbiimbeli oya ningwa kOmumbiishofi naye e li moshipundi shevululuko Dr Kleopas Dumeni.Omuwiliki gwUuhaku moNooli, Omundohotola Naftali Hamata okwa li ye mu pe e ya popithe kombinga, nkene ye na okwiikwatha kombinga yomukithi gwOkankela nogwOsuuka.Ongomupangi nda penzelwa, otandi yanda ngiini uudhigu wethimbo ndika? Epulo ndika olya li lya pulwa Omusita Aune Shilongo-Hamunyela nOmusita Magdalena Ya-Shalongo Omupangi omukulu mOshipangelo shEenhana Meekulu Leefa Shikongo okwa popi kombinga yokuyongolathana nokudhilaadhila oshilonga shoye.Oshipopiwa okwe shi enditha nawa noyendji ya li moka, oya li ye shi hokwa noye shi uvitile ombili.Aanambaanga yOmbanaga yOtango yOpashigwana, Efolo Ruusa Udjombala na tate Abed Mushaandja, oya popitha Aapangi aakulu mbaka kombinga ya nkene openzela ya pungulwa mOmbaanga tayi gandja uuwanawa kooyene yayo.Iigongi monakuyiwa nuukwashilyo, oya li ya fatululwa kOmunashipundi gwEwiliko lyOontanda dhAapangi aakulu mbaka meekulu Josephina Udjombala.Meekulu Johanna Shipena na meekuluKatrina Auala, ngoka e li Amushanga gwEwilikongundu lyOontanda ndhika, oya ngongo nokulombwela oshigongi elongitho lyiitaambwa noonkundathana.Meekulu Johanna Iilonga, MeekuluNdahambelela Shikale, MeekuluLinda Kaukungwa, Meekulu Angalanei Namupala, meekulu Lucia Shamena na Meekulu Sesilia Haufiku oya eta po iipopiwa yi na sha nokushuna monakuziwa noondjimbo noshowo egalikanopandulo nehambelelo.Aawiliki yoshigongi, oya ngongo po nee iiyetwapo yaakwashigongi nehulitho lyohungi.Molyomakaya moka, Aapangi aakulu mbaka oya li wo ya talelwa po nokupopithwa ku Gavena yOshitopolwa sha Hangwena tate Usko Ngaamwa.mOsoondaha oya ningilwa Elongelokalunga kOmumbiishofi Dr Thomas Shivute ta yambidhidhwa kOmusita Magdalena Ya -Shalong.Molwashoka konale kakwali nani aapangi yaalumentu, Otanda ndjika oya li ya thikama ashike moomeme.Elongelokalunga sho lya pu oya lalekathana nokushuna kIitopolwa nokomagumbo gawo.”Oontanda nenge ndi tye iigongi yoludhi nduka iiwanawa noonkondo notayi tungathana nokukutha po wo uuza nombepo yokwiikalela mokati kaapangi ye li miipundi yevululuko,” Meekulu Kayoso ka Udjombala ta lombwele The Namibian ngawo.