Aanulema yomeho taya hogololo pa ku guma

OKOMISI Yomahogololo yaNamibia oya ti ota yi longo nuudhiginini opo yi pitike aanuulema womeho ya vule okuhogolola ku yo yene tashi ti, itaa ya ambidhidhwa ngaashi shakala hashi ningwa omathimbo ga piti.

Okomisi oya eta po uumbapilahogololo wuli melaka lyoshiposi ndyoka lya tseyikwa Braille oku za pomahogololo gomumvo 2004. Okomisi oya ulike woo omunambelewa ngoka ta longa aanuulema womeho moshilongo ashihe nkene ta ya hogolola.Ota ku tengenekwa mu na aanuulema womeho ye li 29 000 moNamibia.Metine Hilda Nakakuwa gwoKomisi yomahogololo okwa zimine kutya oyi inekela ota ya ka vula oku pa aanuulema yomeho ompito opo ya hogolole kuyo yene taya longitha uumbapila mboka washangwa melaka ndyoka haya vulu okulesha.Sigo omehogololo lyo mumvo 2004 aanuulema yomeho oya li yi inekela maakwanezimo lyawo nenge mookuume okuya kwathela opo ya hogolole.Aanambelewa poombelewa dhokomisi yomahogololo oya ti okomisi oya gandja iilonga ku Josephine Lasarus opo a longe aantu nkene taya hogolola melaka lyoshiposi.Oya ti Lasarus oku li koCaprivi ta longo aantu sho a piti nale moshitopolwa sha Kavango moka woo a longo aanambelewa.Sho puna uumbapilahogololo woshiBraille aaNamibia aanuulema womeho otaya vulu okuhogolola nawa meholamo hangaashi ya li ha ya ningi ngele taya kwathelwa.Ompango yomahogololo 1992 ota yi ti omuNamibia kehe oku na uuthemba oku hogolola meholamo nokaapena ngoka eshi kutya ye okwa hogolola lye.Mboka yomaanuulema womeho kayeshi okulesha oBraille natango oye na uuthemba okweetelela kuume nenge omukwathi opo ya vule okuhogolola.Uumbapila hogololo woludhi lwoshiBraille oha wu longithwa pomahala ogendji muuyuni, South Africa, Botswana, India na Indonesia oya li ya longitha mbuka nuumvo momahogololo gawo.Omuhogololi ota lesha moshibraille edhina nonomola yongundu ndjoka a hala okuhogolola kokambapila nomusinda gwa yeluka ota gu fala kehala mpoka ena okutula okakombo.