Aantu ye li omulongo nayatatu (13) ya sa omeya mOnooli

A ANTU kumwe ayehe ye li omulongo nayatatu (13) oya si omeya moshitopolwa sha Musati, Oshana, Ohangwena nOshikoto okuza mpoka sho omvula onene ya tameke okuloka mu Januali mOnooli yoshilongo.

Omugandjimulombo gwOpolisi moshitopolwa sha Shana Sergeant Slogan Mateus okwa lombwele The Namibian oshiwike shika kutya okanona kokadhona koomvula mbali kedhina Ester Mbango ka zile momukunda Onguma momudhingoloko gwa Mulonga moshitopolwa sha Shikoto oka si omeya momasiku 31 ga Januali. Nando nee omukunda nguka Onguma ogu li moshitopolwa Shikoto, ogu li kohi yOpolisi ya Ndangwa ndjoka yi li moshitopolwa sha Shana.Mesiku olyo tuu ndyoka, omukulupe gwoomvula 80 Niingo Sakaria, okwa si omeya manga a li ta taaguluka oshana shu udha omeya.Omukulupe nguka okwa zile momukunda Onambili momudhingoloko gwa Ndangwa.Sergeant Mateus okwa ti momasiku 2 gomwedhi nguka, omudhimba gwokamatyona koomvula ne Timoteus Nghitila Martin ka zile momukunda Omutaku moshitopolwa sha Shikuku ogwa li gwi itsuwa momeya.Omukunda nguka Omutaku ogi li moshitopolwa sha Musati, ihe ogu li kohiyo yOpolisi ya Shana.Omulumentu gwoomvula 53 Victor Andima – a zile momukunda Onawa moshitopolwa sha Shana naye okwa si manga a li ta taaguluka oshana pomukunda gwawo.Sergeant Mateus okwa ti Andima okwa li ta zi kolukanda lwa Kandjegedi u uka kegumbo.Shika osha ningwa lwopetata lyomulongo.Kolukanda lwa Kandjegedi hoka, okwa li aniwa a zi ko i ipama.”Omudhimba gwe ogwi itsuwa kaanona yosikola ongula yEtiyali lwopetata lyohetatu,”Sergeant Mateus ta popi ngaaka.Omugandjimulombo gwOpolisi moshitopolwa sha Hangwena, Constable Abner Kaume Iitumba okwa lombwele The Namibian kutya okanona kokakadhona koomvula hamano kedhina Ndapandula Kashidulika, ka zile momukunda Omashiyo okwa si sho a gwile momuthima momasiku ga 30 ga Januali.Okanona koomwedhi 16 kedhina Simson Karos ka zile momukunda Oshadi moshitopolwa sha Hangwena nako oka si sho ka gwile moshilambo shomeya momasiku 31 ga Januali.Shika osha ningwa lwopombali yomutenya.Constable Iitumba okwa ti omudhimba gwomugundjuka gwoomvula 24, Kondjeni Sakeus, ogwa li gwi itsuwsa mondama yedhina Oshikango momasiku 29 ga Januali.Nonande ke na naanaa uuyelele wa gwana musho, Constable Iitumba okwa popi kutya oya lopotelwa eso lyomuntu a si omeya pOkambembe.Omugandjimulombo gwOpolisi moshitopolwa sha Musati Sergeant Lineekela Shikongo okwa ti moshitopolwa shawo omwa lopota omaso gatano gaantu ya si omeya.Yatatu oye li aniwa aanona omanga gumwe e li omukulupe.Omuntu omutitano okahanona, hoka aniwa ka si sho ka dhengwa kekuma lyoodhopi dhondunda (ya tungwa noodhopi dhevi) moka ka li ka lala.Otaku hokololwa ngeyi kutya ondunda ndjika oya gupo komvula onene ndjoka ya li ya loko moshitopolwa sha Kalongo – noshiningwanima shika osha li sha ningilwa pomukunda Oshuundje gu li popepi nOkalongo moshitopolwa sha Musati.Pethimbo ndika, oshigwana otashi indilwa opo shi kale sha tonatela aanona mboka haya yi koosikola, unene tuu uunona mboka hau hiti mondondo yotango nontiyali.Ethimbo lyomvula inali pwa ko natango, nomvula otayi tsikile nokuloka sigo omu Maalitsa na Apilili.Nando nee omukunda nguka Onguma ogu li moshitopolwa Shikoto, ogu li kohi yOpolisi ya Ndangwa ndjoka yi li moshitopolwa sha Shana.Mesiku olyo tuu ndyoka, omukulupe gwoomvula 80 Niingo Sakaria, okwa si omeya manga a li ta taaguluka oshana shu udha omeya.Omukulupe nguka okwa zile momukunda Onambili momudhingoloko gwa Ndangwa.Sergeant Mateus okwa ti momasiku 2 gomwedhi nguka, omudhimba gwokamatyona koomvula ne Timoteus Nghitila Martin ka zile momukunda Omutaku moshitopolwa sha Shikuku ogwa li gwi itsuwa momeya.Omukunda nguka Omutaku ogi li moshitopolwa sha Musati, ihe ogu li kohiyo yOpolisi ya Shana.Omulumentu gwoomvula 53 Victor Andima – a zile momukunda Onawa moshitopolwa sha Shana naye okwa si manga a li ta taaguluka oshana pomukunda gwawo.Sergeant Mateus okwa ti Andima okwa li ta zi kolukanda lwa Kandjegedi u uka kegumbo.Shika osha ningwa lwopetata lyomulongo.Kolukanda lwa Kandjegedi hoka, okwa li aniwa a zi ko i ipama.”Omudhimba gwe ogwi itsuwa kaanona yosikola ongula yEtiyali lwopetata lyohetatu,”Sergeant Mateus ta popi ngaaka.Omugandjimulombo gwOpolisi moshitopolwa sha Hangwena, Constable Abner Kaume Iitumba okwa lombwele The Namibian kutya okanona kokakadhona koomvula hamano kedhina Ndapandula Kashidulika, ka zile momukunda Omashiyo okwa si sho a gwile momuthima momasiku ga 30 ga Januali.Okanona koomwedhi 16 kedhina Simson Karos ka zile momukunda Oshadi moshitopolwa sha Hangwena nako oka si sho ka gwile moshilambo shomeya momasiku 31 ga Januali.Shika osha ningwa lwopombali yomutenya.Constable Iitumba okwa ti omudhimba gwomugundjuka gwoomvula 24, Kondjeni Sakeus, ogwa li gwi itsuwsa mondama yedhina Oshikango momasiku 29 ga Januali.Nonande ke na naanaa uuyelele wa gwana musho, Constable Iitumba okwa popi kutya oya lopotelwa eso lyomuntu a si omeya pOkambembe.Omugandjimulombo gwOpolisi moshitopolwa sha Musati Sergeant Lineekela Shikongo okwa ti moshitopolwa shawo omwa lopota omaso gatano gaantu ya si omeya.Yatatu oye li aniwa aanona omanga gumwe e li omukulupe.Omuntu omutitano okahanona, hoka aniwa ka si sho ka dhengwa kekuma lyoodhopi dhondunda (ya tungwa noodhopi dhevi) moka ka li ka lala.Otaku hokololwa ngeyi kutya ondunda ndjika oya gupo komvula onene ndjoka ya li ya loko moshitopolwa sha Kalongo – noshiningwanima shika osha li sha ningilwa pomukunda Oshuundje gu li popepi nOkalongo moshitopolwa sha Musati.Pethimbo ndika, oshigwana otashi indilwa opo shi kale sha tonatela aanona mboka haya yi koosikola, unene tuu uunona mboka hau hiti mondondo yotango nontiyali.Ethimbo lyomvula inali pwa ko natango, nomvula otayi tsikile nokuloka sigo omu Maalitsa na Apilili.