Aantu kumwe ye li 50 ya sa mu Ivory Coast

A BIDJAN – Onkundana okuzilila ku Abidjan sha Ivory Coast otayi ti kutya aalumentu ya homata oondjembo nomakatana oya ponokele omikunda mbali mu Ivory Coast nokudhipaga mo aantu ye li 50.

Etanga lyEgameno naakwanepagelo oya popi kutya aantu mbaka oya dhipagwa momaipumomumwe gopaukwamuhoko. “Omidhimba dhi li 50 dhaantu ayehe yAaGuere odha falwa kOshipangelo,” Mayola gwondoolopa ya Duekoue Marcel Dajahi, osho a popi ngaaka.Ondoolopa ndjika oya talika ko ong’ondambo onene yomaipumomumwe gopaukwamuhoko, ngoka ga kala taga piyaganeke onkalo moshilongo shika uule woomvula ndatu ngashiingeyi.Aantu yamwe ye li 60 oya li wo ya ehamekelwa momakuyunguto ngaka, Omugandjimulombo mEtanga lyEgameno lya Ivory Coast, Letenanda-Kolonela Jules Yao Yao, osho a popi.Omunambelewa omukuluntu gwIigwanahangano okwa popi kutya mongundu yaamboka ya dhipagwa, omu na aakwiita ye li yane.Ominista yIikwamapangelo Eric Kahe okwa ti kutya omikunda ndhika mbali ndhoka dha ponokelwa odho Guitrozon na Petit Duekoue, mu na unene AaGuere.Okwa ti aapiyaganeki mbaka oya yi momagumbo gomomikunda ndhika e taya dhipaga nokuteta aantu omiligu, ye na oombistoli, oondjembo noombele.Aantu ye li 11 oya fikwa okusa.Ookatalekonawa oya popi kutya oonakudhipaga aantu oye li aakongi yiiyamakuti yopamuthigululwakalo, ya za kiitopolwa yokuumbangalantu.Iigwanahangano oya kondema noonkondo oshingwanima shika, mbyoka tayi ningi oonkambadhala okweeta po ombili moshilongo shika.”Tse otwa kondema noonkondo omadhipago, ngoka ga shunitha konima oonkambadhala ndhoka tadhi ningwa okweeta po edhiminathanopo mu Duekoue,” Iigwanahangano osho ya popi ngaaka pamushangwa.”Aantu oya kala taye ya kOngeleka esiku alihe ye na iinguma yawo, ya tila okukala momagumbo gawo,” ta tsikile ko ngaaka.- Nampa-AFP”Omidhimba dhi li 50 dhaantu ayehe yAaGuere odha falwa kOshipangelo,” Mayola gwondoolopa ya Duekoue Marcel Dajahi, osho a popi ngaaka.Ondoolopa ndjika oya talika ko ong’ondambo onene yomaipumomumwe gopaukwamuhoko, ngoka ga kala taga piyaganeke onkalo moshilongo shika uule woomvula ndatu ngashiingeyi.Aantu yamwe ye li 60 oya li wo ya ehamekelwa momakuyunguto ngaka, Omugandjimulombo mEtanga lyEgameno lya Ivory Coast, Letenanda-Kolonela Jules Yao Yao, osho a popi.Omunambelewa omukuluntu gwIigwanahangano okwa popi kutya mongundu yaamboka ya dhipagwa, omu na aakwiita ye li yane.Ominista yIikwamapangelo Eric Kahe okwa ti kutya omikunda ndhika mbali ndhoka dha ponokelwa odho Guitrozon na Petit Duekoue, mu na unene AaGuere.Okwa ti aapiyaganeki mbaka oya yi momagumbo gomomikunda ndhika e taya dhipaga nokuteta aantu omiligu, ye na oombistoli, oondjembo noombele.Aantu ye li 11 oya fikwa okusa.Ookatalekonawa oya popi kutya oonakudhipaga aantu oye li aakongi yiiyamakuti yopamuthigululwakalo, ya za kiitopolwa yokuumbangalantu.Iigwanahangano oya kondema noonkondo oshingwanima shika, mbyoka tayi ningi oonkambadhala okweeta po ombili moshilongo shika.”Tse otwa kondema noonkondo omadhipago, ngoka ga shunitha konima oonkambadhala ndhoka tadhi ningwa okweeta po edhiminathanopo mu Duekoue,” Iigwanahangano osho ya popi ngaaka pamushangwa.”Aantu oya kala taye ya kOngeleka esiku alihe ye na iinguma yawo, ya tila okukala momagumbo gawo,” ta tsikile ko ngaaka.- Nampa-AFP