Aantu 65 000 oya dhengwa kefundja mOnooli

K ONYALA aantu ye li 65 000 lwaampoka oya dhengwa kefundja muumbangalantu wa Namibia, nepangelo olya pumbwa nee oomiliyuna 61,2 opo li vule okugandja iikulya kaantu mboka muule woomwedhi ndatu tadhi landula.

Oshinima shika osha li sha tseyithwa kOmupilima gwOpevi Omundohotola Libertina Amathila mOmutumba gwOparliamende mEtiyali lyoshiwike shika. Amathila okwa popi ngeyi kutya omwaalu gwaantu mboka ya gumwa kefundja, ogwa indjipala okuza paantu ye li 62 000 sigo 65 000, nokwa tegelelwa nee omwaalu nguka gu ka indjipale molwashoka omeya itaga ulike taga shuna pevi.Sigo oompaka, aantu ye li 4 000 mboka ya gumwa unene kefundja ndika oya tulululwa nale.Amathila ta ti oosikola odhindji odha patwa molwomeya gefundja.Okwa londodha ngeyi kutya omahala gamwe ngaashi Ondoolopa ya Shakati, oga udha noonkondo na itamu vulu we okutulululwa aantu, otashi pumbiwa nee pu kongwe ehala lilwe mpoka tapu vulu okutulululwa aantu.Yamwe yomaantu mboka ya kuthwa pomahala gawo kefundja, oya tulululwa pOkapale komaudhano mOshakati nosho wo mOsenda yOpaipindi ya Ngwediva.Omahala galwe gaali gomatulululo oga li ga patululwa mOshakati nOngwediva opo ku pupalekwe Okapale ka Shakati nOsenda yOpaipindi ya Ngwediva.Nando ongaaka, oonakutululwa momahala ngoka, oya li ya ulike kutya uundjolowele otau nyangwanyangwa molwashoka omu na aantu oyendji mboka ya tidhwa momagumbo gawo kefundja.Pethimbo a li ta tseyitha kutya uupyakadhi wefundja mOnooli nosho wo mOnooli yokuuzilo owa ninga uupyakadhi wopashigwana momasiku 5 gaMaalitsa, Omupresidende Hifikepunye Pohamba okwa li wo a popi ngeyi kutya mOosenda moka mwa tulululwa aantu kamu na onkalo yopaundjolowele yi li nawa nokuniwe nokuli uumbanda kutya otashi vulika momahala ngoka mu ka ndwafuke omikithi.Pethimbo lyetalelopo lye mOnooli oshiwike sha zi ko, Omupresidende okwa li a indile mboka ya tulululwa opo ya dhiginine uundjolowele momahala gopakathimbo moka ya tulwa.Omupresidende okwa li a indile kiilongo iikwatheli yopaigwana opo yi kwathele nokugandja omakwatho ngaashi iikumbatha, iikulya nootenda pakathimbo, omanga taku ka pumbiwa wo oshimaliwa shokutunga oosikola, oontopa, nuukilinika monakuyiwa.Kakele kokukutha aantu momagumbo gawo, efundja olya eta wo endwafuko lyomukithi gwokolela pEngela moshitopolwa sha Ohangwena.Nando nee omukithi nguka gwokolela gwa dhipaga aantu yaali pethimbo ndika pEngela mpoka, aanambelewa yuuhaku oya li ya tseyitha oshiwike sha zi kutya opu na ompumbwe yoopela dhokukutha mo oombakiteli momeya.Pethimbo ndika Epangelo olya gandja iikulya yongushu yoondola/N$221 000 koonakukuthwa momagumbo gawo, omanga lya longitha oshimaliwa shoomiliyuna ntano oshinkwanu ndatu miinima yilwe.Iikondo yopaumwene oya gandja iinima yongushu yoondola/N$690 000 noshimaliwa koomuma shi li pomiliyuna yimwe oshinkwanu yimwe ndatu (N$1,13 million).”Omakwatho ngaka inaga kwatela mo ngoka ga pewa oshikondo shOmushigakano Omutiligane okuzilila kiikondo yopaumwene nosho wo ngoka ga pewa oshiketha shedhina Namibia Disaster Relief Fund,” Omupilima gwOpevi ta popi ngaaka mEtiyali mOparliamende.Uupyakadhi wefundja otau ka pula epangelo oshimaliwa oshindji noonkondo, Amathila ta lombwele ngaaka Oparliamende.Oshilyo shongundu yompilameno mOmutumba gwOpashigwana, Nora Schimming-Chase okwa gandja ethaneko kutya oshilyo kehe mOparliamende nashi gandje oondola/N$1 000 shika longithwe mompumbwe yefundja.Ngele nee shika osha ningwa, iilyo yOparliamende otayi ka gongela oshimaliwa kumwe shi li poondola/N$78 000.Omunashipundi gwOparliamende Theo-Ben Gurirab okwa popi kutya ethaneko ndika ewanawa noonkondo, ashike okugandja kwoshali, ohaku ningwa paiyambo.Amathila okwa popi ngeyi kutya omwaalu gwaantu mboka ya gumwa kefundja, ogwa indjipala okuza paantu ye li 62 000 sigo 65 000, nokwa tegelelwa nee omwaalu nguka gu ka indjipale molwashoka omeya itaga ulike taga shuna pevi.Sigo oompaka, aantu ye li 4 000 mboka ya gumwa unene kefundja ndika oya tulululwa nale.Amathila ta ti oosikola odhindji odha patwa molwomeya gefundja.Okwa londodha ngeyi kutya omahala gamwe ngaashi Ondoolopa ya Shakati, oga udha noonkondo na itamu vulu we okutulululwa aantu, otashi pumbiwa nee pu kongwe ehala lilwe mpoka tapu vulu okutulululwa aantu.Yamwe yomaantu mboka ya kuthwa pomahala gawo kefundja, oya tulululwa pOkapale komaudhano mOshakati nosho wo mOsenda yOpaipindi ya Ngwediva.Omahala galwe gaali gomatulululo oga li ga patululwa mOshakati nOngwediva opo ku pupalekwe Okapale ka Shakati nOsenda yOpaipindi ya Ngwediva.Nando ongaaka, oonakutululwa momahala ngoka, oya li ya ulike kutya uundjolowele otau nyangwanyangwa molwashoka omu na aantu oyendji mboka ya tidhwa momagumbo gawo kefundja.Pethimbo a li ta tseyitha kutya uupyakadhi wefundja mOnooli nosho wo mOnooli yokuuzilo owa ninga uupyakadhi wopashigwana momasiku 5 gaMaalitsa, Omupresidende Hifikepunye Pohamba okwa li wo a popi ngeyi kutya mOosenda moka mwa tulululwa aantu kamu na onkalo yopaundjolowele yi li nawa nokuniwe nokuli uumbanda kutya otashi vulika momahala ngoka mu ka ndwafuke omikithi.Pethimbo lyetalelopo lye mOnooli oshiwike sha zi ko, Omupresidende okwa li a indile mboka ya tulululwa opo ya dhiginine uundjolowele momahala gopakathimbo moka ya tulwa.Omupresidende okwa li a indile kiilongo iikwatheli yopaigwana opo yi kwathele nokugandja omakwatho ngaashi iikumbatha, iikulya nootenda pakathimbo, omanga taku ka pumbiwa wo oshimaliwa shokutunga oosikola, oontopa, nuukilinika monakuyiwa.Kakele kokukutha aantu momagumbo gawo, efundja olya eta wo endwafuko lyomukithi gwokolela pEngela moshitopolwa sha Ohangwena.Nando nee omukithi nguka gwokolela gwa dhipaga aantu yaali pethimbo ndika pEngela mpoka, aanambelewa yuuhaku oya li ya tseyitha oshiwike sha zi kutya opu na ompumbwe yoopela dhokukutha mo oombakiteli momeya.Pethimbo ndika Epangelo olya gandja iikulya yongushu yoondola/N$221 000 koonakukuthwa momagumbo gawo, omanga lya longitha oshimaliwa shoomiliyuna ntano oshinkwanu ndatu miinima yilwe.Iikondo yopaumwene oya gandja iinima yongushu yoondola/N$690 000 noshimaliwa koomuma shi li pomiliyuna yimwe oshinkwanu yimwe ndatu (N$1,13 million). “Omakwatho ngaka inaga kwatela mo ngoka ga pewa oshikondo shOmushigakano Omutiligane okuzilila kiikondo yopaumwene nosho wo ngoka ga pewa oshiketha shedhina Namibia Disaster Relief Fund,” Omupilima gwOpevi ta popi ngaaka mEtiyali mOparliamende.Uupyakadhi wefundja otau ka pula epangelo oshimaliwa oshindji noonkondo, Amathila ta lombwele ngaaka Oparliamende.Oshilyo shongundu yompilameno mOmutumba gwOpashigwana, Nora Schimming-Chase okwa gandja ethaneko kutya oshilyo kehe mOparliamende nashi gandje oondola/N$1 000 shika longithwe mompumbwe yefundja.Ngele nee shika osha ningwa, iilyo yOparliamende otayi ka gongela oshimaliwa kumwe shi li poondola/N$78 000.Omunashipundi gwOparliamende Theo-Ben Gurirab okwa popi kutya ethaneko ndika ewanawa noonkondo, ashike okugandja kwoshali, ohaku ningwa paiyambo.