Aanona yoonakulwa ya ya kOombelewa dhoSwapo

ONGUNDU yaanona yoonakulwa aakulu ya konda pomathele gaali, mEtitatu lyoshiwike sha zi ko oya li nambele pOombelewa oonene dhOpaati yo Swapo mu Katutura, nokudhika ootenda dhawo mpoka.

Mongundu yaagundjuka mbaka omu na ye li 98 mboka ya kala haya zi pofaalama yo Swapo yi li pondje ya Venduka okuza omumvo gwa zi ko na yamwe ya konda po 100,haya ithanwa ‘ongundu yokOkuryangava.’
Aagundjuka mbaka oya thiki pOombelewa dhoSwapo ongula yEtitatu. Kofaalama hoka ya li oya zi ko pokati kuusiku wEtitatu, omanga mboka ya li pOkuryangana ye yandjoina konima yohetatu yongula.
Aaggundjuka mbaka otaya popi kutya yo oya vula okutegelela okupewa oompito dhiilongo nodhomailongho ngoka yu uvanekelwa kEpangelo. Oya pulanda okukala pOombelewa dho Swapo sigo ya pewa iilonga na oya popi wo kutya ngele shika inaye shi ningilwa, itaya ka hogolola.