Aanona yomekondjo ya thiki koBerg Aukas

AANONA yomekondjelomanguluko 540 mboka ya kala noontanda poombelewa dhoSwapo moshilongo ashihe oya tembukile koBerg Aukas.
Etembu lyaanona mbaka olya pu omaandaha goshiwike shika, na einyengo lyawo olya yeleke omahala goombelewa dhoSwapo kaanona mboka ya li mpoka uule wethimbo.Nonando oshi li ngeyi pomahala mpaka opwa thigala ashike aanona yamwe yamwe.

Amushanga takalele mUuministeli wAagundjuka Peingodjabi Shipoh okwa lombwele oThe Namibian kutya etembu olya ende nawa, naanona mboka ya li ya thigala po ngaashi kOshakati oya kuthwa po Omaandaha.Okwa ti pehala kehe yamwe yomaanona oya thigala po molwaashoka mbaka oya shunine komagumbo gawo konima sho epangelo lya li ,lya indile yeshi ninge.Mbaka oya galukile poombelewa sho ya uvu kutya ooyakwawo ota ya tumwa ko Berg Aukas, pamukalo nguka oya piyaganeke elalakano lyokuya tululula koBerg Aukas pakathimbo.’Ope na gumwe ta eta epiyagano mokati kawo sho ta fundju kutya aanona otaya pewa iilonga poBerg Aukas.Okwa ti aaleli mboka ya li ya kwatela komeho yakwawo poombelewa dhoSwapo oyo taya ka la woo mewiliko poBerg Aukas na ota ya ka longithwa okuulika mboka yi iyakele mo sheendo shoka.Sho oThe Namibian ya talelepo oombelewa dhoSwapo omaandaha ongundu yaanona mboka ya ti oya thigalapo oya hokolola kutya ka ya li ya pitikwa ya londe moombesa ndhoka dha fala yakwawo koBerg Aukas, molwaashoka omadhina gawo ka ga li mo momusholondondo gwaamboka ya tembudhilwa hwiyaka.Oya ti nonando oya li ya kutha ombinga mokuholola omdhiladhilo gawo, na oya li ya shangwa na oye na omauyelele agehe kutya yo oya valwa muundjendi, ashihe shika ina shi ya popila, oshoka aaleli yawo oya ti kaye ,yashi.Oya ningi onkambadhala opo ya pulakenwe.Sho ya pulwa kutya ota ya ka lala peni oya ti ota ya shuna komagumbo gawo oshoka Swapo okwa ti ine ya pumbwa po poombelewa dhe.’Tse otwa hala okuya koBerg Aukas, otwa hala okulandula yakwetu oshiwike shika’, Shipoh okwa ti ngoka ta kala pombelewa yoSwapo oye omuyenda gwoSwapo onkene Swapo ota longitha omukalo gwemwene nkene ta longo naamboka ye li poombelewa dhe. Kombinga yiiyagaya nekako ndyoka lya thigala poombelewa dhoSwapo Shipoh okwa ti Uuministeli we ka wa li wa edhilile omuntu pehala mpoka.’Ota tu ningi ngiini’ Inatu ithana omuntu a yunge oontanda poombelewa dhoSwapo.’Mboka ya falwa koBerg Aukas ota shi ulike yu uvite ombili kwaashoka ya ningilwa.Sho a popi noThe Namibian omaandaha omupopiliko gwongundu yaagundjuka mboka ya li moVenduka,Salomo Shinedima okwa ti ayihe oya li nawa sigo oompoka na ayihe ota yi ende ngaashi sha thanekwa.Kombinga yonkalo poBerg Aukas, Shipoh okwe ye popi ta ti ‘ita ya si ondjala yo ishewe ka ye li mohotela yoonyothi ntano’.Okwa ti aanona mboka ota ya pewa iipumbiwa yapumbiwa yesiku kehe ngaashi iikulya, iilongitho ngaashi omeya omayelele.Ehangano lyaanona Yomuundjendi okupitila momupopiliko gwalyo Benitha Nakaambo olya ti olya nyanyukilwa einyengitho ndika.