Aanona yomekondjo ya lombwelwa ya shune koBerg Aukas

A
ANONA ya valelwa muundjendi wekondjelomanguluko konyala ye li yahetatu oyi ile poombelewa dhuuministeli waagundjuka, moWindhoek, pwaana esteyithilo lyasha.
Aanona mbaka ya ziilile kokamba ko Berg Aukas popepi noGrootfontein moshitopolwa shOtjozondjupa.

Aanona oya gandja ombapila yomaindilo yomapandja ga tatu moka natango taya indile ya pewe iilonga, metanga lyegameno, mopolisi, noshowo omahala ngoka giilonga yopetameko mepangelo ga egululwe opo yo oyo ayeke ya tulwe miilonga mbyoka.Momushangwa indilo kohi yoshipalanyolo , ‘itashi tisha okutupalutha peha lyoku tu pa iilonga, omaindilo getu inaga gwanithwa po natango.’Aanona mbaka oya ti oya hala oku kutwa mo NDF nopolisi oshoka oyo ayike iilonga mbyoka taya vulu okupewa nuupu okushitalela muulongelwe wawo.Ndele oya ti uuministeli wawo aniwa owa ndopa okusoshimpwiyu kutya yo oya tulwa miilonga mbyoka.Oya pula kutya uunake taya ka tulwa miilonga konima sho uuministeli wegameno noshowo mboka wopolisi wa li wa ningi euvaneko kutya otawu kutha po aanona konyala omathele gaali. Oya lundile aagandji yiilonga metanga lyegameno kutya ota ya ningile koombunda oshoka aniwa otaya kutu miilonga aanona mboka yeshi nenge ota ya taamba aniwa oombumbo opo ya gandje iilonga koyana yohashike shalye, nenge aniwa ta ya tula miilonga aantu haya longo nale kuuministeli wulwe.Oya ti yo oyena owino waantu yamwe ya kutwa miilonga mo NDF mboka inaa ya tegelela oku ka tameka iilonga omolwa omatompelo galwe.Meyamukulo lye Minista gwaagundjuka, Kazenambo Kazenambo okwa lombwele aakalelipo yaanona yokoBerg Aukas kutya epangelo olii pya kidhila noshikumungu shawo nota li ka tseyitha mbala shoka tashi ka ningwa kombinga yonkalo yawo.Kazenambo okwe ya dhimbulutha woo kutya yo ha yo ayeke aanona mboka ya pumbwa iilonga nenge ekwatho lyepangelo moshilongo ndele opena woo aanona ooyakwawo mboka ya tegelela neidhidhimiko opo ya vule okuyakulwa kepangelo moompumbwe dhawo odhindji.Kazenambo okwa popi nongeyo kutya aanona mboka oyena eihumbato ewinayi unene sho eshi talele moonkundathana a li a ningi nayo pokamba ya Berg Aukas konima sho a ulikwa a ninge ominista yaagundjuka.Kazenambo okwa lombwele aanona mbaka ya shune koBerg Aukas noku tegelela shoka epangelo ta li ke ya ningila.Aakalelipo ya hetatu mboka ya etele omushangwa indilo kuminista oyo, Golden Nendongo, Penxupifo Kankono, Daniel Aluvilu,. Mwandingi Moses, Kamati Petrus, Kadhila Karel, Thomas Johannes, na Shokondjiva Moses.