Aaniilonga yomefuta na yo otaa hogolola

AANIILONGA yomefuta ota ya hogolola momahogololo goshigongi shopashigwana nopauperesidende momulongo 13 ga Novomba.

Shika osha landula sho pwa ningwa elundululo mompango yomahogololo ndjoka ya yi miilonga omwedhi gwa yi. Konyala aaniilonga 7 000 yomefuta mwa kwatelwa aadhindoli, aataleli, naakonakoni yiikwahi mboka ta shi vulika ta ya ka adhika ye li mefuta pethimbo lyomahogololo oya gumwa kelundululo ndika.Omupevi wiliki gwo Mahogololo omusamane, Ananias Elago okwa tseyithile aakalelipo yoshikondo shoohi kombinga yompango ndjika ompe moSwakopmund metine oshiwike sha yi. ‘Mo na ku ziwa otwa li twa kondjo oku adha noku shangitha aaniilonga yomomeya molwaashoka ompango ka ya li ya yela kombinga yaashika kutya uunake na openi mpoka aantu mbaka ye na okwiishangithila.Ndele ngashingeyi osha yela,’Elago ta ti.’Mo na ku ziwa otwa li twa landula aantu mbaka mefuta noku ya shangitha nenge oku ya pa ompito ya hogolole ndele shika osha li oshidhigu noshi na ondilo.Pethimbo ndika ompango ota yi ti oye na okwiishangitha nokuhogololela komunkulo. Okomisi yomahogololo oya tokola kutya 13 ga Novomba ogo ye na oku hogolola.,’Uuketha womahogololo ota u kala pomahala goofabulika moMbaye noLiindili mesiku ndika.Omahala mpoka tapa kala uuketha otaga ka tseyithwa nale.Omaishangitho ga gwedhwa po otaga tsikile sigo ometitatu lyoshiwike shika, nethimbo lyeishangitho olya lelepekwa oku za potundi ontihetatu yongula sigo ontimilongo mbali nayimwe yongulohi esiku kehe molwaashoka etameko lyomaishangitho olya li lya katekwa nomasiku konyala gaali.’Opu na ethimbo lya gwana kaaniilonga yomefuta opo ye kiishangithe, onkene aagandji yiilonga naya pe aaniilonga ya wo ompito opo ye kiishangithe ya vule okuhogolola.,’Elago ta ti. Aakalelipo yoshikondo shoohi unene ndhoka dhohake oya lombwele oDhe Namibian kutya ota ya ka kanitha oshindji mokulonga nomomahooli molwaashoka oye na okugalukila ishewe komunkulo mo 13 ga Novomba omolwehogololo. Oshikondo shohake oshi na oombautu dhoofabulika oonene ndhoka ha dhi vulu okukala naaniilonga 60 , na odhindji otadhi tameke okuya mefuta petameko lya Novomba. Dhimwe oha dhi kala momeya uule womasiku 40.’Ngashingeyi otuna okukala momeya omasiku 10 e tatu galuka, opo aaniilonga ye ya hogolole ndele ta tu shuna ishewe mefuta,’ mwene gwombautu yimwe a pula.’shika ota shi ke tu kutha oshimaliwa molupe lwethimbo niilonga’ gumwe tati.Yamwe oya ti shika ota shi ka eta engundumano oli ndji lyoombautu metuliloskepa esiku ndyoka ngele ooskepa adhihe odhi na oku ya metuliloskepa.Elago okwa zimine kutya osho shili, ndele oombautu ota dhi vulu woo okugaluka mo 27 sigo 28ga Novomba.’Aaniilonga yomomeya ota ya vulu okuhogolola momasiku ngaka kakele ota ya hogolola ngaashi ayehe ta ye shi ningi pwaana ekwathelo kutya oye na okushuna kiilonga mbala.