Aaniilonga yepangelo ta ya longo momahogololo

KONYALA aaniilonga yepangelo 570 ota ya thigi po iilonga ya wo okathimbo opo ye ki imonene oshimaliwa sha gwedhwa po pethimbo lyomahogololo gomuNovomba. Shika ota shi ningwa molwaashoka yamwe ota ya ka tumwa ya longe kohi yoKomisi yOmahogololo yaNamibia pethimbo lyomaishangitho noshowo lyomahogolo lyo lyene.

Oshinima shika ka shishi oshipe no ha shi ningwa aluhe noshowo osha ningilwe momahogololo go mimvo dha piti. Ndele oku shi talela pethimbo ndika lyomahupilo ga nkundipala aaniilonga oyendji yepangelo oya hala oku mona oshimaliwa mokulongela oECN.OThe Namibian oya li ya tseyithilwa kutya aanambelewa yamwe, aakuluntu mepangelo oye na iinakugwanithwa oyindji no ina ya mana natango oku yi longa, ndele yamwe aniwa oya kutha nale omafudho opo ya ka longe noECN.Kombanda yiiyemo ya wo aanambelewa mbaka ota ya ka taamba pokati koodola 283 noodola 470 mesiku, pethimbo lyomaishangitho noshowo, oodola 508 sigo oodola 975 mesiku pethimbo lyomahogolo gogene. Omuwiliki gwoshikondo shomaenditho sha ECN omusamane, Theo Muyoro okwa ti ota pu kala omatanga 570 gokushangitha moshilongo ashihe nometanga kehe omuna okukala omuniilonga gwepangelo gumwe.Aaniilonga yepangelo oya tulwa momatanga ngaka oku sila oshimpwiyu uuwanawa wepangelo, omaliko gepangelo noshowo iiyenditho yepangelo. Okwa ti o ECN oya hala aaniilonga yepangelo, oyo ayeke ya hinge iihauto yepangelo, shaashi oye shi oompango nomalandulathano nkene shika hashi ningwa.Okwa gwedha ko ta ti aaniilonga ayehe yepangelo oye na oku kala ye na oombapila dhokuhinga.Mujoro okwa ti, aaniilonga mbaka otaya ka futwa shi li pevi oku yeleka nooyakwawo mboka ta ya longo momahogololo.Okwa ti oECN ita yi vulu oku pewa ombedhi kombinga yaanambelewa mboka ina ya mana iilonga yawo , oshoka oshi, li etokolo lyoministeli kehe oku gandja epitiko komunambelewa ngoka ena okutumwa a ka longele oECN pethimbo ndika.Nonando iilonga yoECN ka yi shi oshitopolwa shiilonga yepangelo, epangelo olyo ta li futu ECN.Omunashipundi shokOmisi yaaniilonga yepangelo, omusamane Eddie Amkongo okwa ti ye ke wete pena uudhigu washa nomuniilonga gwepangelo ta longo momahogolo oshoka ooamushanga muuministeli oye na uuthemba okutokola kutya olye ta yi komahogololo nenge ita yi. ECN ota kala niiwike iyali yomaishangitho sigo omu 5 Kotoba. Ota kala woo ena aawiliki yomahogololo 13, noshowo aayakuli yaali ECN ota kala woo ena aataleli 107 noshowo aanambelewa yokushangitha 3 700.