Aaniilonga ya Ramatex yamwe otaya pumbwa epango lyopaunamiti

O MAKONAKONO gopaunamiti ngoka ga kala nokuningilwa aaniilonga ye li 3 000 lwaampoka mboka ya kala nokulongela Ofaabulika ndjika sigo opethimbo ya pata omiyelo dhayo mu Namibia kuyele nuumvo oga ulike kutya 46 yomuyo oya etelwa uunkundi konkalo yiilonga.

Ehangano lyaaniilonga lyedhina National Food and Allied Workers’ Union (Nafau) olya temeke okutseyithila mboka ya li nale aaniilonga ya Ramatex oshiwike shika kutya naya kale ya ya kOondohotola opo ya ka konakonwe kombinga yomapyakadhi ngoka ya monika omolwonkalo yiilonga pethimbo ye li mofaabulika ndjika yAamalaysia. Nando nee iizemo yomakonakono gaantu oohandimwe oge li iiholekwa, aaniilonga, yoyene, ehangano lyaaniilonga nosho wo oonzo dhopaunamiti otaya popi ngeyi kutya omaupyakadhi oga kala unene momeho, omakutsi nosho wo komapunga.Aaniilonga yamwe oya monika wo ye na omaupyakadhi galwe gopaunamiti ashike Omundohotola Pieter Pretorius ngoka a dhana onkandangala onene mokuninga omakonakono ngaka, okwa popi kutya omaupyakadhi galwe ngoka itaga vulu naanaa okupelwa uusama ofaabulika ndjoka ya Ramatex.Oshiholelwa, yamwe yomaaniilonga ya Ramatex oya monika omukithi gwoTiibii (TB).Omakonakono ngoka gopaunamiti oga li ga ningwa palombwelo lyEpangelo konima sho okampani ndjika pata omiyelo dhayo mu Namibia mu Maalitsa, nomakonakono ngoka oge na okufutwa kokampani ndjoka.Otaku popiwa ngeyi kutya olopota ndjoka ya ningwa kOsipana yopaunamiti, oya pewa ewilikongundu lya Ramatex, Uuministeli wUuhaku nOnkalonawa nosho wo ehengano lyaaniilonga.Amushanga-Ndjayi gwa Nafau Kiros Sakarias ina vula okumonika pethimbo lyoshinyolwa shika tashi yi koshinyanyangidho opo andola a gandje okomenda ye moshinima shika.Oonzo dhimwe mehangano lyaaniilonga odha popi ngeyi kutya oyendji yomaantu mboka ya gumwa koshinima shika nenge tutye mboka ya monika kutya otaya pumbwa epango, oya shuna nale kiitopolwa yawo – shoka she shi ningitha nee oshidhigu okuya tseyithila kombinga yiinzemo yawo nosho wo okuya tseyithila ya galukile kOvenduka opo yee ya shune komakonakono ga gwedhwapo nokumona epango lya ukilila.Pretorius ta ti Ramatex ina ningila nando onale aaniilonga ye omakonakono kutya nee opethimbo lyiilonga nenge okonima yiilonga.Tati ngashiingeyi otashi ikwatelele owala kosipana yopaunamiti oyo yi talele ngele omaupyakadhi ngoka oga etwa pethimbo lyiilonga nenge aawe.Moshiningwanima shilwe, ehangano lya Old Mutual olya temeke nokuninga iigongi naaniilonga aakuluntu ya Ramatex opo li koleke omauyelele kombinga yoopenzela dhawo nosho wo okuyamukula komapula moshinima shika.Oshigongi sha hugunina moshinima shika, okwa tegelelwa shi ka ningwe mOmaandaha.Oshi ikwatelela nee kokweendelela moshinima shika, ngele osha ende nawa, oofuto dhaaniilonga otaye ke dhi pewa pehulilo lyomwedhi nguka, Erica Hipondoka gwehangano lya Old Mutual ta popi ngaaka mEtiyali lyoshiwike shika.Nando nee iizemo yomakonakono gaantu oohandimwe oge li iiholekwa, aaniilonga, yoyene, ehangano lyaaniilonga nosho wo oonzo dhopaunamiti otaya popi ngeyi kutya omaupyakadhi oga kala unene momeho, omakutsi nosho wo komapunga.Aaniilonga yamwe oya monika wo ye na omaupyakadhi galwe gopaunamiti ashike Omundohotola Pieter Pretorius ngoka a dhana onkandangala onene mokuninga omakonakono ngaka, okwa popi kutya omaupyakadhi galwe ngoka itaga vulu naanaa okupelwa uusama ofaabulika ndjoka ya Ramatex.Oshiholelwa, yamwe yomaaniilonga ya Ramatex oya monika omukithi gwoTiibii (TB).Omakonakono ngoka gopaunamiti oga li ga ningwa palombwelo lyEpangelo konima sho okampani ndjika pata omiyelo dhayo mu Namibia mu Maalitsa, nomakonakono ngoka oge na okufutwa kokampani ndjoka.Otaku popiwa ngeyi kutya olopota ndjoka ya ningwa kOsipana yopaunamiti, oya pewa ewilikongundu lya Ramatex, Uuministeli wUuhaku nOnkalonawa nosho wo ehengano lyaaniilonga.Amushanga-Ndjayi gwa Nafau Kiros Sakarias ina vula okumonika pethimbo lyoshinyolwa shika tashi yi koshinyanyangidho opo andola a gandje okomenda ye moshinima shika.Oonzo dhimwe mehangano lyaaniilonga odha popi ngeyi kutya oyendji yomaantu mboka ya gumwa koshinima shika nenge tutye mboka ya monika kutya otaya pumbwa epango, oya shuna nale kiitopolwa yawo – shoka she shi ningitha nee oshidhigu okuya tseyithila kombinga yiinzemo yawo nosho wo okuya tseyithila ya galukile kOvenduka opo yee ya shune komakonakono ga gwedhwapo nokumona epango lya ukilila.Pretorius ta ti Ramatex ina ningila nando onale aaniilonga ye omakonakono kutya nee opethimbo lyiilonga nenge okonima yiilonga. Tati ngashiingeyi otashi ikwatelele owala kosipana yopaunamiti oyo yi talele ngele omaupyakadhi ngoka oga etwa pethimbo lyiilonga nenge aawe.Moshiningwanima shilwe, ehangano lya Old Mutual olya temeke nokuninga iigongi naaniilonga aakuluntu ya Ramatex opo li koleke omauyelele kombinga yoopenzela dhawo nosho wo okuyamukula komapula moshinima shika.Oshigongi sha hugunina moshinima shika, okwa tegelelwa shi ka ningwe mOmaandaha.Oshi ikwatelela nee kokweendelela moshinima shika, ngele osha ende nawa, oofuto dhaaniilonga otaye ke dhi pewa pehulilo lyomwedhi nguka, Erica Hipondoka gwehangano lya Old Mutual ta popi ngaaka mEtiyali lyoshiwike shika.