Aaniilonga ya NBC ya hogolola opo ya ye mekanka

AANIILONGA yehangano lyokutuma omawi mombepo lya Namibia[Namibia Broadcasting Corporation] NBC, oya ti ngele oonkundathana omolwa egwedhelo lyoondjambi inadhi pondola sha oshiwike shika opena ompito opo omawi mombepo kaaga uvike mowe uule wethimbo lyontumba, molwaashoka yo otaya ka ninga ekanka.

Komufala gwaaNiilonga okwa gandja onzapo omolwashoka iitsa yimwe tayi kundathanwa ina yi monenwa etsokumwe moonkundathana dhegwedhelo lyoondjambi, lya li pokati kewiliko lyoNBC nehangano lya Namibia Public Workers Union. Amushanga gwopevi gwa Napwu, Gabes Andumba okwa ti oshigongi sha li shina oku kala ko omaandaha komatango ina shi ningwa, molwaashoka ewiliko lyoNBC olya ti osha pumbwa okuundulilwa komeho. Andumba okwa ti aaniilonga inaya adha natango etokolo lyoku ninga ekanka, na otaya kundathana natango newiliko. Omuwiliki gwa NBC, Albertus Aochamub okwa koleke kutya opena okwa uvathana pokati kewiliko lye naaniilonga, niishewe okushishi kutya aaniilonga oya hogolola ngele otaya ningi ekanka nenge ahawe. Iizemo oya popiwa moonkundana dho NBC tiivi ongulohi yomaandaha kutya aaniilonga ayehe mboka ya kuthombinga mehogololo kakele ka gumwe oye awike itaa popile ekanka, yalwe oya ulike kutya shoka tashi ka potokonona okwa uvathana hoka osho oku ninga ekanka.Mu April nuumvo aaniilonga yo NBC oyali woo ya tilitha kutya otaya ka ninga oshipotha.Pethimbo ndyoka yo oya li taya pula egwedhelo lyoopersenda 13 dhoondjambi dhawo noshowo egwedhelo lyiimaliwa yomagumbo nooperesenda 60. Aaniilonga oya shanga kutya ofuto yawo molwa okulonga olutayima oya shunwa pevi noonkondo oshinima shoka ya luku osho embandameko. Oya pula ishewe epangelo opo li kamule omahangano galyo agehe noshikamule shimwe ngele tashiya poku gandja iimaliwa komahanganoi ngoka. Pahokololo lyoonkundana dha NBC, aaniilonga aniwa otaya pula egwedhelo lyoopersenda dhili ne, nando Andumba a tindi oku gandja eyamukulo kutya mbaka oya hala oku gwedhelwa nooperesenda ngapi, ati pauvathano lyawo newiliko mbaka ka yena oku holola uuyelele mboka omanga ina ya lombwelathana okushininga.Aaniilonga pehangano ndyoka sho ya pulwa ngele oshipotha otashi ka tameka mbala konima sho oyendji yahogolola okweenda ondjila ndjoka , omukwateli gwawo komeho okwa ti hasho manga, oya landula ashike omulandu.