Aaniilonga ya Muni gwa Lindili ya shuna kiilonga

AANIILONGA ya muni gwa Lindili ya shuna kiilonga konima sho ya ningi omasiku 12 ta ya tindi okulonga.Oya shuna kiilonga konima sho ewiliko lyamuni gwa Lindili nehangano lyaNAPWU ya adha etsokumwe shina sha noondjambi metiyali lyoshiwike shi.

Omuwiliki gwo Napwu gwokuumbugantu Edwin Chaka okwa ti aaniilonga oya shuna kiilonga metitatu.Chaka okwa ti oongundu odha uvathana kutya aaniilonga mboka ye li moondondo dho A sigo C ota ya gwedhelwa noodola 300 komwedhi omanga, mboka ye li mondondo ya D ta ya ka pewa ooperesenda ndatu.Petameko aaniilonga oya li taya pula ya gwedhelwe noodola 350 ayehe yehe omanga muni a li ashike ta ti ota vulu okufuta oopereseda dhi li ne adhike komuniilonga kehe.Iimaliwa yomalweendo nayo ota yi ka gwedhelwa sigo opoodola 350 oku za poodola 330.Oongundu odha uvathana opo dhi endulule euvathano lyokutseyathana nehangano ekalelipo lyaaniilonga. Shika Chaka okwa ti osha zi mpono sho ewiliko lya muni lya pula opo oomenigela dha hakale we iilyo yeuvathano lyaaniilonga. Okwa ti ehangano olya tindi oshinima shika sho ku kaleka oomeningela kaadhi shi oshitopolwa sheuvathano.Oomvula adhihe ndhoka dha ziko oomeningela ndhika odha kala oshitopolwa she euvathano tsokumwe ndika. Oshike sha puka ngashingeyi? Chaka ta pula. Okwa li woo kwa uvathanwa kutya aaniilonga mboka ya li mekanka ota ya ka futwa ashike uule womasiku gane gomomasiku 12 ngoka mboka ya li mekanka.Iilyo yetanga lyopolisi lyoshinakugwanithwa mboka ya li yas ithanwa opo ya gamene aaniilonga mboka ya li ta ya longo omanga oya kwawo ye li mekanka oya thigi po oshilando konima sho etsokumwe lya adhika.Omugandjimalombwelo gopolisi moKaras Commufala Abel Josephata eshikoleke.Ekanka olya nkundipike omayakulo ga muni, ngaashi iiyaga oya ndumbala unene momapandaanda, nomino dhomeya gondoya odha kala ta dhi fuluka dhu uka moondjila.Aawiliki ya Lindili ka kwa li ya hala okutya sha ketsokumwe ndika sho ya pulwa ya tye sha unene tuu Meya Emile Amupewa ngoka a monikwa koshifo shika.