Aaniilonga ya GIPF ya zimina oopelesenda ndatu kopenzela yawo

AANIILONGA mOkampani ompunguli yOpenzela yaaniilonga mEpangelo nenge Government Institutions Pension Fund (GIPF) – mboka ye li menkanka, oya zimine kutya Okampani nayi gwedhe ko oshimaliwa shoopelesenda ndatu kopenzela yawo.

Shika osha ziminwa konima yoonkundathana dha li pokati kaaniilonga mbaka nEwiliko lya GIPF, mpoka pwa li wo aakalelipo yehangano lyomahangano gaaniilonga lya National Union of Namibian Workers (NUNW).Petameko,aaniilonga mbaka, oya li ya hala GIFP a gwedhe ko oshimaliwa shoopelesenda 3,5. Nonande nee aaniilonga mbaka oya taamba ko oopelesenda ndatu, sigo onena ehangano ekalelilopo lyaaniinonga mbaka lya Namibia Financial Institutionss Union (Nafinu) nEwiliko lya GIPF, inaya tsa kumwe kombinga yeindilo lyaaniilonga mbaka kutya oondjambi dhawo nadhi gwedhelwe.’Ekondjo otali tsikile, ‘ munabelewa gwas Nafinu, Asnath Zamuee, osho a popi ngaaka konima yoshigongi shawo na GIPF, moka ya ndopa okuninga etsokumwe.Ewiliko lya GIFP olya ti kutya otali vulu ashike okugwedhela oondjambi dhaaniilonga noshimaliwa shoopelesenda 10,5, dhi li pombanda noopelesenda 10 ndhoka odho ya li ya hala okugandja tango.Petameko, aaniilonga oya li ya indile oondjambi dhawo dhi gwedhelwe noshimaliwa shoopelesend a 12 na oya zimina nale oshimaliwa shegwedhelo kopenzela noshomakwathelo gopaunamiti shoka Okampani yi na po, oya ti kutya kombinga yaashoka shoondjambi itaya ka pevi noshimaliwa shi li pevi lyoopelesenda 11,75.Lwopokati mpoka, aaniilonga ya GIPF mOombelewa dhopaitopolwa ngashi po Keetmanshoop, Otjiwarongo nopoGobabis oya shuna kiilonga.Aaniilonga ya GIFP oya yi mekanka mEtine lyoshiwike sha zi ko, sha zi ko mpoka sho oonkundathana pokati ka Nafinu nEwiliko lya GIPF dhi na sha neindilo lyawo kutya oondjambi dhawo nadhi gwedhela dha ndopa okweetapo sha.Oonkundathana dhika odha li dha ningwa mEtitatu.