Aaniilonga pOkatomeno ya tinda okondalaka ompe

O MANANATHANO omanene oga holoka pokati kaaniilonga yopOkatomeno po Aranos kombinga yokushaina okondalaka ompe.

Okatomeno hoka po Aranos okakuta miilonga aaniilonga konyala ye li omilongo heta tu (80). Aaniilonga mboka oya tindi thilu okushaina okondalaka ndjoka ompe.Aaniilonga hoka otaya popi ngeyi kutya ewilikongundu lyokampani yedhina Natural Namibian Meat Producers (NNMP) otali ya thiminikile okushaina okondalaka ndjoka.Omuniilonga gumwe okwa lombwele The Namibian kutya oya pewa owala sigo ohela mOmaandaha opo ya kale ya shaina okondalaka ndjoka nenge ya tidhwe miilonga.Mwene gokampani ndjika ya NNMP, Albie Smit, okwa ekelehi kokule omapopyo kutya okwa ningila aaniilonga ye omatilitho kutya oteya tidha miilonga ngele inaya shaina okondalaka ndjoka.Aaniilonga otaya indile kutya oya hala okupewa omauwanawa galwe miilonga ngaashi openzela, efudho lyokomumvo, omagwedhelo goondjambi omumvo kehe, iifuta yomalutayima, iifuta yoshipangelo, iiyenditho nosho wo enawapeko miikulya yawo yesiku kehe.Nando ongaaka, Smit okwa popi nokuyelitha ngeyi kutya omauwanawa ngaashi openzela, ekwatho lyopapango, omagumbo nelunduluko miikulya, itayi kundathanwa.Elunduluko nenge tutye eyooloko pokati kokondalaka ompe naandjoka onkulu olyo owala ndyoka kutya ngashiingeyi omuthindo otagu dhengwa puukalinawa nosho wo pooveta nomalandulathano gaaniilonga, Smit ta popi.Okwa tsikile ngeyi kutya okampani ihayi tsele ngaashi sha tegelelwa, “nomolwashoka itayi mono ovenisa yi li nawa shoka sha eta nee kaatu gwanithe po omaindilo gamwe gaaniilonga.”Okampani ndjoka oya totwa po omumvo gwa zi ko nokonena ndjika ohayi dhipaga oonzi dhi li omayovi gaali (2 000) oshiwike kehe.Ngele oya li taya longo lela nakupwe andola otaya dhipaga sigo oonzi omayovi gatano (5 000) moshiwike kehe.Smit okwa popi ishewe ngeyi kutya omwaalu omushona ngoka tagu longwa pokatomeno mpoka ogwa etwa konkalo yoshikukuta ndjoka tayi inyenge moshilongo.Oshikwawo osho shoka kutya sho iinamwenyo tayi tumwa pondje yoshilongo yi na omwenyo osha tula wo iilonga yokatomeno pevi nokudhigupika iilonga yako.Ta ti aaniilonga otaya pewa lela ethimbo lya gwana opo ya kale ya shaina okondalaka omanga inaya katukilwa onkatu.Aaniilonga mboka oya tindi thilu okushaina okondalaka ndjoka ompe.Aaniilonga hoka otaya popi ngeyi kutya ewilikongundu lyokampani yedhina Natural Namibian Meat Producers (NNMP) otali ya thiminikile okushaina okondalaka ndjoka.Omuniilonga gumwe okwa lombwele The Namibian kutya oya pewa owala sigo ohela mOmaandaha opo ya kale ya shaina okondalaka ndjoka nenge ya tidhwe miilonga.Mwene gokampani ndjika ya NNMP, Albie Smit, okwa ekelehi kokule omapopyo kutya okwa ningila aaniilonga ye omatilitho kutya oteya tidha miilonga ngele inaya shaina okondalaka ndjoka.Aaniilonga otaya indile kutya oya hala okupewa omauwanawa galwe miilonga ngaashi openzela, efudho lyokomumvo, omagwedhelo goondjambi omumvo kehe, iifuta yomalutayima, iifuta yoshipangelo, iiyenditho nosho wo enawapeko miikulya yawo yesiku kehe.Nando ongaaka, Smit okwa popi nokuyelitha ngeyi kutya omauwanawa ngaashi openzela, ekwatho lyopapango, omagumbo nelunduluko miikulya, itayi kundathanwa.Elunduluko nenge tutye eyooloko pokati kokondalaka ompe naandjoka onkulu olyo owala ndyoka kutya ngashiingeyi omuthindo otagu dhengwa puukalinawa nosho wo pooveta nomalandulathano gaaniilonga, Smit ta popi.Okwa tsikile ngeyi kutya okampani ihayi tsele ngaashi sha tegelelwa, “nomolwashoka itayi mono ovenisa yi li nawa shoka sha eta nee kaatu gwanithe po omaindilo gamwe gaaniilonga.”Okampani ndjoka oya totwa po omumvo gwa zi ko nokonena ndjika ohayi dhipaga oonzi dhi li omayovi gaali (2 000) oshiwike kehe.Ngele oya li taya longo lela nakupwe andola otaya dhipaga sigo oonzi omayovi gatano (5 000) moshiwike kehe.Smit okwa popi ishewe ngeyi kutya omwaalu omushona ngoka tagu longwa pokatomeno mpoka ogwa etwa konkalo yoshikukuta ndjoka tayi inyenge moshilongo.Oshikwawo osho shoka kutya sho iinamwenyo tayi tumwa pondje yoshilongo yi na omwenyo osha tula wo iilonga yokatomeno pevi nokudhigupika iilonga yako.Ta ti aaniilonga otaya pewa lela ethimbo lya gwana opo ya kale ya shaina okondalaka omanga inaya katukilwa onkatu.