Aaniilonga mu Zimbabwe inaya ninga we ekanka

H ARARE – Aaniilonga yEpangelo mu Zimbabwe inaya ninga we ekanka ndyoka ya li ya hala okuninga mEtiyali, ihe aatseyinawa miikwapolitika otaya popi kutya shika inaye shi ninga we molwashoka oya tila oku ka mona oshilanduli Epangelo, ngashi lya li lya halakanitha oshigongi shimwe shongundu yompilameno omasiku ga zi ko.

Aatseyinawa miikwapolitika Zimbabwe oya popi kutya Omupresidende Robert Mugabe okwa ninga kayamukulwa omunene na oku li ashike ta longitha iikondo yokweeta po oveta nalandulathano okulyatela pevi aantu mboka itaya tsu kumwe naye. “Shika itashi ti kutya aaniilonga inaya hala okuholola onkalo yiilonga moka ye li.Aawe, oya tila ashike kutya Epangelo otali ke ya landula,” Omutseyinawa miikwapolitika John Makumbe, ngoka e li omugandji gwuusama omunene ku Mugabe, osho a popi ngaaka.Ekanka ndika olya li lya longekidhwa kehangano lyomahangano gaaniilonga mu Zimbabwe lyedhina Zimbabwe Congres of Trade Unions (ZCTU).Omwedhi gwa zi ko, Aapolisi mu Harare oya li ya halakanitha oshigongi shimwe sha li sha longekidhwa koongundu dhompilameno, Oongeleki nokomahangano gaakwashigwana nokukwatapo aantu yamwe, mwa kwatelwa wo omuwiliki gwongundu yompilemeno yedhina Movement for Democratic Change (MDC), Morgan Tsvangirai.Tsvangirai na yakwawo yalwe oya li wo ya dhengwa nayi kOpolisi sho ya ka patelwa mo.Metiyali, Aapolisi yokuhalakanitha aantu uuna taya piyaganeke onkalo, mboka oyendji yomuyo opo ya piti mOsikema yAagundjuka, oya li taya patolola omapandaanda mu Harare, ihe momalukanda omwa li a Aapolisi aashona ye li momuzalo.ZimOnline”Shika itashi ti kutya aaniilonga inaya hala okuholola onkalo yiilonga moka ye li.Aawe, oya tila ashike kutya Epangelo otali ke ya landula,” Omutseyinawa miikwapolitika John Makumbe, ngoka e li omugandji gwuusama omunene ku Mugabe, osho a popi ngaaka.Ekanka ndika olya li lya longekidhwa kehangano lyomahangano gaaniilonga mu Zimbabwe lyedhina Zimbabwe Congres of Trade Unions (ZCTU).Omwedhi gwa zi ko, Aapolisi mu Harare oya li ya halakanitha oshigongi shimwe sha li sha longekidhwa koongundu dhompilameno, Oongeleki nokomahangano gaakwashigwana nokukwatapo aantu yamwe, mwa kwatelwa wo omuwiliki gwongundu yompilemeno yedhina Movement for Democratic Change (MDC), Morgan Tsvangirai.Tsvangirai na yakwawo yalwe oya li wo ya dhengwa nayi kOpolisi sho ya ka patelwa mo.Metiyali, Aapolisi yokuhalakanitha aantu uuna taya piyaganeke onkalo, mboka oyendji yomuyo opo ya piti mOsikema yAagundjuka, oya li taya patolola omapandaanda mu Harare, ihe momalukanda omwa li a Aapolisi aashona ye li momuzalo.ZimOnline