Aaniilonga mOokolindji oya hala ekanka

A ANIILONGA yomokolindji ya Venduka nenge tutye Windhoek College of Education (WCE) nosho wo yomookolindji dhilwe moshilongo oya ningi omatilitho kutya otaya ka ninga ekanka nena mEtitano ngele Epangelo inali zimina keindilo lyawo kutya oondjambi dhawo nadhi gwedhelwe.

Pethimbo lyehololomadhiladhilo lyawo mEtitatu mOvenduka, aalongi yaalongwalongi mu WCE, oya popi kutya konima yokuninga omakwatathano nayakwawo mOokolindji dhilwe, oya adha etsokumweuvathano kutya ngele Epangelo inali zimina osheetwa po shawo kutya oondjambi dhawo nadhi gwedhwe, otaya ka ninga ekanka nena mEtitano moka wo omo mu na okuningwa oshituthi shegandjo lyoonzapo. Pahokololo lyomuunganei gwaalongi mOokolindji adhihe moshilongo Liswani Simasiku, omanyenyeto gawo oga tamekele nale momumvo 2003.Epangelo olya kala nokwiipwililikila omaindilo gawo, nolye ya lombwele ya tegelele omumvo gwoshimaliwa tagu landula, Simasiku ta popi.”Otwa ningi omakwatathano niikondo ayihe ya gumwa koshinima shika, mwakwatelwa nehangano lyaalongisikola nenge tutye Namibia National Teachers’ Union (Nantu) pamwe nEpangelo ndyoka twa tala kutya ohali katuka owala oonkatu ngele olya ningilwa omatilitho nekanka.”Nantu okwa gama kombinga yEpangelo.Okwa tegelelwa nee tu ninge ngiini …otu na iinakugwanithwa yokusila aanona yetu oshimpwiyu, nonkalo oya ninga ondilo.”Eyamukulo moshinima shika, okweegeka owala iilongitho,” Simasiku ta popi ngaaka.Kakele komapopyo ngoka ga Simasiku, inaku monika we omauyelele galwe okuzilila kOokolindji dhilwe moshilongo kutya dho odha pulanda naanaa ngiini kombinga yoshinima shika popiwa mEtitatu lyoshiwike shika mOvenduka.Oshinima oshikwawo, Simasiku ina gandja wo uuyelele kutya oya hala naanaa ya gwedhelwe niimaliwa nenge noopelesenda dhi thike peni.Pahokololo lyomuunganei gwaalongi mOokolindji adhihe moshilongo Liswani Simasiku, omanyenyeto gawo oga tamekele nale momumvo 2003.Epangelo olya kala nokwiipwililikila omaindilo gawo, nolye ya lombwele ya tegelele omumvo gwoshimaliwa tagu landula, Simasiku ta popi.”Otwa ningi omakwatathano niikondo ayihe ya gumwa koshinima shika, mwakwatelwa nehangano lyaalongisikola nenge tutye Namibia National Teachers’ Union (Nantu) pamwe nEpangelo ndyoka twa tala kutya ohali katuka owala oonkatu ngele olya ningilwa omatilitho nekanka.”Nantu okwa gama kombinga yEpangelo.Okwa tegelelwa nee tu ninge ngiini …otu na iinakugwanithwa yokusila aanona yetu oshimpwiyu, nonkalo oya ninga ondilo.”Eyamukulo moshinima shika, okweegeka owala iilongitho,” Simasiku ta popi ngaaka.Kakele komapopyo ngoka ga Simasiku, inaku monika we omauyelele galwe okuzilila kOokolindji dhilwe moshilongo kutya dho odha pulanda naanaa ngiini kombinga yoshinima shika popiwa mEtitatu lyoshiwike shika mOvenduka.Oshinima oshikwawo, Simasiku ina gandja wo uuyelele kutya oya hala naanaa ya gwedhelwe niimaliwa nenge noopelesenda dhi thike peni.