Aandowishi ya hala ekuma lya Berlin li galuke

OMUNTU gumwe maaNdowishi ya heyali moBerlin okwa hala ekuma ndyoka lya lipo lya topola Berlin li galuke, oshoka pethimbo ekuma ndyoka lya li oya li aniwa ye li nawa.

Shika osha hololwa komakonakono gomadhiladhilo ngoka ga nyolwa miifo metitatu lya ziko manga ta pa, ilongekidhilwa oshituthi shoomvula omilongo mbali konima sho ekuma ndika lya tekelepo mo 9 ga Novomba 1989.Ekonakonopulo ndyoka lya ningwa maantu 1 002 kenongelo lya Ndowishi lyedhina Forsa no lya shangwa moshifo shedhina Stern olya ti oopelesenda 15 dhaantu oomiliona 82 odha hala omasiku, ga galuke sho pwa li puna iilongo ya Ndowishi yi li iyali.Oopelesenda 16 dhaambaka odhaa Ndowishi yokuuninginino omanga omulongo odhaa Ndowishi yokuuzilo.Ekonakonopulo olya mono kutya aauninginino oya geya omolwaashoka ota ya futithwa otaxa oyindji opo ya futile etungululo lyaashoka kwa li hashi ithanwa nale Ndowishi lyokuuzilo.Oshilongo shoka sha li nale hashi lelwa kepangelo lyuukomunisi, osha pewa sigo oompaka oobiliona dhoodola dhAmerika 1.762 yiimaliwa yepangelo uule woomvula 20 dha piti.Aandowishi yokuuzilo inaya nyanyukwa koondjambi ndhoka taya mono ndhoka pandjele dhi li ashike oopelesenda 80 dhoondjambi dhaaniilonga oya kwawo yokuuninginino. Omolwa okwaana iilonga omahala ogendji moNdowishi yokuuzilo kage ne aantu oku za mo 1990.Oopelesenda 55 odha ti ehanganitho lya Ndowishi ota li vulu okuhumithwa komeho ngele otaxas yuukwawo wanankali oya kuthwa po. Otaxas ndjika oha yi futithwa aaniilonga opo yi longithwe mokutungulula Ndowishi lyokuuzilo.Oopelesenda 50 odha ti ngele Aandowishi yokuuzilo oya pewa oopensela dhi li pombanda ando shika ota shi kwathele mboka yokuuninginino.