Aanangeshefa aakiintu yaali ta ya tsakaneke Michelle Obama

AANAMIBIA yaali oya hogololwa ya ka kale poshigongi shomasiku gaali shaawiliki aakiintu aagundjuka yAfrica [Young African Women Leaders Forum].

Oshigongi shika otashi ka kalwa woo kOmukulukadhi gwotango gwaAmerica Michelle Obama. Etsakaneno ndika olya kwashilipalekwa kOshikondo shIikwapondje shAmerica, na otashi tsikile kiilonga yewiliko lyOmuperesidende Barack Obama lyoku kwatathana naaleli aagundjuka yAfrica. Omumvogu mu August Omuperesidebde okwa tsakanene naawiliki aagundjuka yAfrica pegumbo Etokele mo Washington.Aanamibia yaali mboka taya ka kala poshigongi shika oyo, Delicia Kotugondo oshilyo shewilikongundu lyo National Youth Council[NYC], na Annastacia Namases omwiliki guudhano wOlympics Yashewa ya Namibia. Omushangwa gwa zi kombelewa yomukalelipo shilongo shAmerica moVenduka ogwa ti oshigongi otashi lalakanene okweeta pamwe aakiintu aagundjuka okuza muaAfrica kohi yombuga ya Sahara pehala limwe opo ya topolelathane ontseyo noshowo yi imange kumwe na yalwe kiitopolwa yilwe.Omakwatathano ngaka otaga ka humitha komeho iilonga yawo monakuyiwa opo ya kale nokulongela kumwe niishiinda longo.