Aanamibia ya sa ondjala momumvo 2008

OOPELESENDA dhAanamibia tadhi ihilile po 57, odha li dha mono iihuna kondjala omumvo gwa zi ko.

Uuyelele mbuka ou li mopolota yomakonakono omape ga ningwa po okutala kutya onkalo yondjala mu Afrika oyi li ngiini.
Pamakonakono ngaka, Aanamibia yoopelesenda 25 oya li kaye na shoka taya li omathimbo ogendji omumvo gwa zi ko omanga Aanamibia yoopelesenda 14 ya kala lela kaye na iikulya.
Oopelesenda 18 odha kadhi na iikulya lumwe nenge lwaali omumvo gwa zi ko.
Omakonakono ngaka ohaga tala kokula kapu na iikulya, okukala kapu na omeya ga yela gokunwa nokokukala kapu na oshimaliwa.
Mokategori kaantu kaye na iimaliwa nomeya ga yela, Namibia oku li ponomola ontihetatu mongundu yiilongo yi li 20 omanga mokategori kiikulya kaya po e li pononola onti: 12.
Olopota yomakonakono ngaka otayi kutya oopelesenda 21 dhAanamibia oya kala ya lulilwa sho kaye na okeshe omathimbo ogendji, omanga oopelesenda 25 dha kala kadhi na iiyemo omathimbo ogendji. Oopelesenda ashike 22 dhAanam odho dha kala kadhi na uupyakadhi mbuka.
Aanamibia yoopelesenda 21 kaya li ye na iilonga hayi ya futy na kaya li ye na mpoka taya kongo wo iilonga. Ihe kombinga yimwe, oopelesedna 39 kadha li dhi na iilonga, ihe odha li tadhi kongo iilonga.
Aanamibia yoopelesedna 16 oya kala kaye na omeya limwe nenge lwaali. Oopelesenda ashie 51 odho dha ti kutya inadhi mono uudhigu mbuka.
Nonande pu na omaudhigu ngaka, olopota ndjika oya ti kutya Namibia oku li shimwe shomiilongo ihamano mbyoka ya kutha ko koluhepo pokati komumvo 2000 no 2008. Yilwe mbiyaka oyo Zambia, South Afrika, Ghana, Lesotho na Malawi. Mali na Tanzania inayi eluka elunduluko lya sha omanga oluhepo mu Zimbabwe, Botswana na Nigeria lwa ya pombanda.