AaNamibia oya pumbwa okugalula ondjodhi yawo

ONGUNDU yoRDP otayi ka yumudha po oohedhi dhoshiAfrica dhuuntu, nokutunga oshigwana shakankamekelwa koohedhi oombwanawa.Shika ongundu oya uvaneke tayi keshi ninga ngele oya hogololwa yi ye mepangelo.

Amushanga ndjai gwongundu ndjika omusamane Jesaja Nyamu okwa popi ndhika moshipopiwa she menongelo enene lya Namibia UNAM.’Ta shi pitile momanifesto yetu ya thikama miitopolwa omulongo, tse ota tu katunga oshigwana shi na oohedhi, mokulongitha omayooloko getu noshowo iipewa yetu ya yooloka, aaluudhe naatiligane,’Nyamu ta ti.’Opu na yamwe moshilongo natango taya longitha uukwamuhoko naashika oshiwinayi kehumokomeho lyoshilongo.Shoka twa pumbwa okugalula ondjodhi yetu yo 1990 moka ta tu kongo okufila po olutandu lwuukwamuhoko, uukoloni nokakombo noludhi.Otwa pumbwa epangelo epe opo li longe shika, molwaashoka konima yomahogololo gane noomvula 20 ndhoonkambadhala, omilandu omiwanawa opo dhi li, ndele etulo lyadho miilonga olya kala ewinayi,.’ Nyamu a tsikileko.Oku kala nuulingilingi ota ku, tuku oshigwana no ta ku nkundipike einekelo melelo lyo shilongo.Okwaa na uuyuki ota ku yugu aathigona nokuyambapaleka mboka yena shapitilila osho a ti.’Oshigwana na shi kale shi na einekelo mewiliko okutseya kutya ewiliko ina li thikama komaiyuvo nenge komahalo gomuleli gwontumba oye awike,’ omuwiliki gwo RDP tati nomuthindo.Sho epangelo lyomuperesidende Hifikepunje Pohamba lya kutha etokolo kombinga yomupevi minista gwiilonga nale, Paulus Kapia, oshilongo osha dhiladhila kutya opwa li puna eiyuvo li na omwenyo okukondjitha uulingilingi nokulonga puuyelele.Ndele nani Kapia okwa tulwa ashike mokwarantine okathimbo ,nangashingeyi oku li momusholondondo gwoSwapo oku ya koparliamende.’Omwa hala okugalula ‘omuleli ta fekelelwa uulingilingi’ koparliamende?Tse moRDP ota tu ti oombudhi naaleli ya nika uulingilingi ehala lyawo oli li mondholongo ha moparliamende,’ Nyamu ta ti.’Oshiholelwa shimwe shiimbuluma ooshoka sha TransNamib, mpoka omuwiliki gwehangano omusamane Titus Haimbili a tidhwa kewilikongundu ndele okwa galulilwa miilonga koSwapo,e ye a ninge shike? A yake ishewe? Nyamu ta pula.’Otwa mono nkene pwaa na etokolo lyoonkondo kombinga yoshinima sha Teko Trading,naNuctech, noshowo eyugo lyomaliko ga NWR medhina lyelongelokumwe naanangeshefa aaluudhe.’Oshigwana ota shi pula ‘ocomisi yokukondjitha iimbuluma yaa na mayego oyi li peni’ Nyamu ta gwedha po.’Omukuluntu gwoComisi ndjika Noa okwa londodhwa aniwa kutya na mwene kaawiliki ye yoSwapo, opo aniwa kaa holole shoka tashi ningwa kaaleleli yamwe yongundu ndjoka.Sigo oompaka ocomisi ndjika ota yi gumu ashike uuhi uushona.ORDP ota yi ka dhika epangelo lya yela ndyoka li na uuyuki, ta li dhike po ishewe okomisi yoku kondjitha iimbuluma ta yi wilikwa komupanguli iithikamena.Ota tu si oshimpwiyu opo aapolisi ya kale ye shi shoka taya ningi, mokulonga noku teya po oongundu dhoombudhi noshowo okukaleka ayehe ya nika uumbudhi koompadhi dhawo mwakwatelwa naanapolitika,’ Nyamu ta uvaneke.Epangelo lyo RDP ita li ka nyanyukilwa aaleli ya nika iimbuluma pa ku yahogolola ya kale aakwatelikomeho, ndele ongundu oya hala oompangu dha shewa oku ya pangula.’Tse otuna elandulathano epe lyiinakugwanithwa lyelunduluko na otwa hala oku tula miilonga omukalo omupe gwootendela okukeelela uulingilingi, okugamena mboka haya gandja uuyelele kombinga yuulingilingi. Otatu kala woo tuna ooprograma dha shewa nomaipyakidhilo gashewa opo aagundjuka yetu ya kalekwe kokule niilonga yiikulumuna. Ota tu nkondopeke opolisi opoyi vule okulonga iilonga yawo pwaana okugama ombinga.Kombinga yomahupilo Nyamu okwa ti ongundu ye ota yi ka sa oshimpwiyu kutya omulandu gwo BEE ogwa nkondopekwa, pa ku eta po ompango ndjoka ta yi gu eta miilonga.Okwa ti iilonga yokuthikitha pamwe mboka ya li nale konima yesiga na yo oya pumbwa elongelokumwe lyaantu ayehe.Limwe lyomiinakugwanithwa yaashika osho oku longa yalwe.Mboka yena ontseyo oye na okulongithwa opo ya gandje ontseyo kwaamboka opo ta yeya noye yi pumbwa. Iinakugwanithwa mbika oya pumbwa oku tonatelwa nawa omolwuwanawa waayehe.