Aanafaalama yokOmangetti nayi ikwathe nEpangelo, John Nendongo ta ti

A ANAFAALAMA, unene tuu mboka yokOmangetti onawa yi ikwathe nEpangelo megandjo lyomeya kiimuna yawo opo ku kandulwepo uupyakdhi womeya kOofaalama dhawo dhokOmangetti hoka.

Omukuluntu gwOshikondo shokugandja omeya kIitopolwa yokomikunda mOshitopolwa sha Shikoto nosha Hangwena John Nendongo ta ti ngawo, konima sho kwa monika omanyenyeto ga zilile kAanafaalama yokOmangetti, unene tuu kOmunafaalama a tseyika nawa Johannes Andjamba. Andjamba ota nyenyetele Epangelo kutya inali hala okupangela omashina gawo gokupomba omeya giimuna yawo kOmangetti hoka nonando haya futu omayakulo kEpangelo.Oshiwike sha zi ko John Andjamba menyenyeto lye ndyoka a gandjele kOshifo shika okwa tile kutya oongombe dhe otadhi si po kenota kOfaalama ye yokOmangetti molwashoka mboka yEpangelo ye na sha netonatelo lyOmashina gokupomba omeya kOofaalama hoka, inaya hala oku mu kwathela nonando ha futu iifendela mbyoka hayi pulwa kEpangelo opo li kale tali opaleke omashina gokupomba omeya nosho tuu kOofaalama dhawo hoka.Tate Andjamba ta ti okwa kanitha nale oongombe dhi vulithe pu ntano lwaampoka nuumvo, dha si kenota, omolu omashina gokupomba omeya ngoka ga kala taga tekaateka go itaga pangelwa.Tate Andjamba ta ti kutya sho omashina ngoka ga teka, okwa ka ninga onkembadhala kuye mwene, a lande eshina lye lyokupomba omeya, ashike nee sho tali teka, mboka yokEpangelo kaye ya oku li pangela nande niimuna ye onkee tayi kala tayi si enota nokusa kenota.Andjamba ta ti nuumvo okwa futa kuye mwene N$3765.15 shi na sha nepangelo lyeshina lyokupomba omeya pOfaalama ye mpoka, ashike shoka Epangelo itali shi tala ko, otali etha ashike omunafaalama ta mono iihuna nokukondja kuye mwene ngawo, nonande ha futu tuu wo nokEpangelo.Ta ti ohaya lopota aluhe kOmbelewa yUunamapya nUuniimuna kOnankali, ashike kaku ya zilila nande ekwatho lyasha hoka, noye li nee aluhe muupyakadhi wokwaahepo kwomeya kOofaalama dhawo hoka.Andjamba ota ti oofaalama moka ye li odhEpangelo, haya futu ethitho lyadho nEpangelo ando olyo nee li na okusa oshimpwiyu shokutula mo omashina gokupomba omeya.”Ondi uvite kwali kutya sho oshilongo sha manguluka, nomayakulo otaga kala ga manguluka nawa shi vulithe pwaangoka gomEpangelo ekulu, ashike nee shoka tashi ningwa po ngashiingeyi kashi shi eyakulo li li hwepo, eyakulo tali shongola nokushuna monima.”Tate Andjamba ta ti ngawo neyeme nokwiindila a mana mo kUuministeli wUunamapya nUuniimuna wu gandje omauyakulo gatya tyoo kaanafaalama, unene tuu mboka ya Mangetti.Mokuyamukula kuupyakadhi wAndjamba, Omukuluntu gwOshikondo shEgandjo lyOmeya kIitopolwa yokomikunda mOshitopolwa sha Shikoto nosha Hangwena, John Nendongo okwa zimine kutya oshoshili Aanafaalama yokOmangetti ohaya adhika komaudhigu gomeya giimuna yawo ngashi naanaa ga adha tate Andjamba ngawo.Nendongo ta ti kutya Oshioondo she otashi longo nuudhigu okupangela omashina gokupomba omeya ngoka haga teka kOofaalama hoka omolu oshimaliwa kaashi po sha gwana okulonga omashina ngoka haga teka meendelelo ngashi Aanafaalama ya hala.Ta ti omashina ngoka ga teka ohaye ga lopotelwa noku ga kutha ko omathimbo gamwe ndele taye ga tumu hoka ge na okukapangelwa.Nendongo ta ti omulandu ngoka ohagu kwata nee ethimbo ele nOmunafaalama otashi vulika a kale ethimbo ele ke na eshina pOfaalama ye mpoka.Shoka tashi eta shili oongombe dhe nosho tuu iimuna yilwe yi se enota noyi se kenota.”Oshimaliwa shEpangelo opo shi ze mo mOshiketha ohashi pula ondjila onde yezimino lyasho, onkee nee oshidhigu okupangelitha eshina meendelelo ngashi Aanafaalama ya hala.”Nendongo ta ti ngawo nokugwedha po ta ti kutya okwa kala omathimbo nomathimbo taya popi uupyakadhi mbuka nAanfaaalama nokwe ya pele omayele yi itule kumwe, uuna pweya uupyakadhi mboka weshina lya teka.Ya landithe po ngaa nande oongombe dhawo dhimwe ndele taya landa eshina lyokupomba omeya, palongelokumwe nOmbelewa ye, ndele taya kala ye na eshina lya gwedha ndjoka lyEpangelo, opo ya kale aluhe ya kwashilipalekwa kutya pomboola yawo opu na eshina lyokupomba omeya li li nawa.Kakele koshimaliwa shokulanda omashina noku ga pangelitha, tate Nendongo ota ti kutya naashoka shomweenditha oololi dhawo dhokuya kOmangetti, kashi shi oshindji na oshi na okukwatwa nawa opo kashi pwe po omvula inayi pwa ko.Ta ti Ololi yimwe okuza pOmbelewa yawo pOnankali okuya kOmangetti ohashi pula Epangelo N$8000 lwaampoka, moshikando ashike shimwe mololi yimwe.Andjamba ota nyenyetele Epangelo kutya inali hala okupangela omashina gawo gokupomba omeya giimuna yawo kOmangetti hoka nonando haya futu omayakulo kEpangelo.Oshiwike sha zi ko John Andjamba menyenyeto lye ndyoka a gandjele kOshifo shika okwa tile kutya oongombe dhe otadhi si po kenota kOfaalama ye yokOmangetti molwashoka mboka yEpangelo ye na sha netonatelo lyOmashina gokupomba omeya kOofaalama hoka, inaya hala oku mu kwathela nonando ha futu iifendela mbyoka hayi pulwa kEpangelo opo li kale tali opaleke omashina gokupomba omeya nosho tuu kOofaalama dhawo hoka.Tate Andjamba ta ti okwa kanitha nale oongombe dhi vulithe pu ntano lwaampoka nuumvo, dha si kenota, omolu omashina gokupomba omeya ngoka ga kala taga tekaateka go itaga pangelwa.Tate Andjamba ta ti kutya sho omashina ngoka ga teka, okwa ka ninga onkembadhala kuye mwene, a lande eshina lye lyokupomba omeya, ashike nee sho tali teka, mboka yokEpangelo kaye ya oku li pangela nande niimuna ye onkee tayi kala tayi si enota nokusa kenota.Andjamba ta ti nuumvo okwa futa kuye mwene N$3765.15 shi na sha nepangelo lyeshina lyokupomba omeya pOfaalama ye mpoka, ashike shoka Epangelo itali shi tala ko, otali etha ashike omunafaalama ta mono iihuna nokukondja kuye mwene ngawo, nonande ha futu tuu wo nokEpangelo.Ta ti ohaya lopota aluhe kOmbelewa yUunamapya nUuniimuna kOnankali, ashike kaku ya zilila nande ekwatho lyasha hoka, noye li nee aluhe muupyakadhi wokwaahepo kwomeya kOofaalama dhawo hoka.Andjamba ota ti oofaalama moka ye li odhEpangelo, haya futu ethitho lyadho nEpangelo ando olyo nee li na okusa oshimpwiyu shokutula mo omashina gokupomba omeya.”Ondi uvite kwali kutya sho oshilongo sha manguluka, nomayakulo otaga kala ga manguluka nawa shi vulithe pwaangoka gomEpangelo ekulu, ashike nee shoka tashi ningwa po ngashiingeyi kashi shi eyakulo li li hwepo, eyakulo tali shongola nokushuna monima.”Tate Andjamba ta ti ngawo neyeme nokwiindila a mana mo kUuministeli wUunamapya nUuniimuna wu gandje omauyakulo gatya tyoo kaanafaalama, unene tuu mboka ya Mangetti.Mokuyamukula kuupyakadhi wAndjamba, Omukuluntu gwOshikondo shEgandjo lyOmeya kIitopolwa yokomikunda mOshitopolwa sha Shikoto nosha Hangwena, John Nendongo okwa zimine kutya oshoshili Aanafaalama yokOmangetti ohaya adhika komaudhigu gomeya giimuna yawo ngashi naanaa ga adha tate Andjamba ngawo.Nendongo ta ti kutya Oshioondo she otashi longo nuudhigu okupangela omashina gokupomba omeya ngoka haga teka kOofaalama hoka omolu oshimaliwa kaashi po sha gwana okulonga omashina ngoka haga teka meendelelo ngashi Aanafaalama ya hala.Ta ti omashina ngoka ga teka ohaye ga lopotelwa noku ga kutha ko omathimbo gamwe ndele taye ga tumu hoka ge na okukapangelwa.Nendongo ta ti omulandu ngoka ohagu kwata nee ethimbo ele nOmunafaalama otashi vulika a kale ethimbo ele ke na eshina pOfaalama ye mpoka.Shoka tashi eta shili oongombe dhe nosho tuu iimuna yilwe yi se enota noyi se kenota.”Oshimaliwa shEpangelo opo shi ze mo mOshiketha ohashi pula ondjila onde yezimino lyasho, onkee nee oshidhigu okupangelitha eshina meendelelo ngashi Aanafaalama ya hala.”Nendongo ta ti ngawo nokugwedha po ta ti kutya okwa kala omathimbo nomathimbo taya popi uupyakadhi mbuka nAanfaaalama nokwe ya pele omayele yi itule kumwe, uuna pweya uupyakadhi mboka weshina lya teka.Ya landithe po ngaa nande oongombe dhawo dhimwe ndele taya landa eshina lyokupomba omeya, palongelokumwe nOmbelewa ye, ndele taya kala ye na eshina lya gwedha ndjoka lyEpangelo, opo ya kale aluhe ya kwashilipalekwa kutya pomboola yawo opu na eshina lyokupomba omeya li li nawa.Kakele koshimaliwa shokulanda omashina noku ga pangelitha, tate Nendongo ota ti kutya naashoka shomweenditha oololi dhawo dhokuya kOmangetti, kashi shi oshindji na oshi na okukwatwa nawa opo kashi pwe po omvula inayi pwa ko.Ta ti Ololi yimwe okuza pOmbelewa yawo pOnankali okuya kOmangetti ohashi pula Epangelo N$8000 lwaampoka, moshikando ashike shimwe mololi yimwe.