Aanafaalama yiipindi taya kwatha

AANAFAALAMA yiipindi otaya gandja konyala oodola oomiliona 10 komumvo kehe okuyambulapo elanditho lyiimuna yokomahala gaayehe, [NCA] noshowo okugandja omayele kaaniimuna yeli 350.

Omulandu gwokuputudha aaniimuna mbaka ogwa kolekwa nale omasiku gaziko, moku yambidhidha omahala ngaka. Oshinima osha zi methaneko lyoshigongi shaaniimuna shomumvo 2007, ndyoka lya tile na pa futwe oodola 16, 45 mongombe noodola 3,29 monzi nenge moshikombo. Iimaliwa mbika oyina okugandjwa koshiketha shehangano lyonyama moNamibia opo li yambulepo omuthika gwiimuna yomomahala gaayehe. Iifuta mbika oya tulilwe miilonga momwedhi gwa Juli 2007 na ohayi eta mo oodola oomiliona omulongo omvula kehe.Aanafaalama mboka ye na okuputudha mboka yokomikunda ye li omulongo na ya ne oya nongekwa nale kehangano lyonyama oshiwike sha yi opo ya vule oku pa aaniimuna 350 yokomahala gaayehe omayele nkene taya munu iimuna yawo.Oprograma ndjika otayi longo okumuna nokuputudha iimuna, okulanditha iimuna, okuwilika oofaalama dhawo,okumuna nomaludhi gi ili no gi ili giimuna.Ehangano lyonyama noshowo lyaaniimuna olya itaala kutya okugandja huka ota ku ka opaleka omukalo gwokumuna, naashika, otashi fala sigo omo kumuna iinamwenyo paipindi kaanafaalama mboka yokomikunda.Shika okwa tegelelwa woo shi ete mpoka kutya aanafaalama mbaka otaya landitha iimuna oyindji kuutomeno womoshilongo.Elalakano ekwawo okupitika aaniimuna miitopolwa mbika ya mone uuwanawa momalanditho gomuuyuni, noshowo okuninga oshitopolwa shomahupilo gomoshilongo.